Samsung A71

[Omar005]

لو في حد يقدر يساعد انا عندي الموبيل بيسخن بسرعه و اللعب بتعلق بطريقه جامده لدرجه اني مش عارف العب خالص و المشكله اني اول مجبت الموبيل كان تمام و بدء يعلق بعدها ب  اسبوعين محتاج حل لوسمحتوا و شكرا

[Anonymous]

حضرتك درجة الحرارة في مصر بتوصل ل٤٣ و يمكن اكتر كمان ده يعني من غير ماتستخدم الهاتف مابالك لو استخدمت الهاتف ممكن يوصل ٤٩ درجة .
عشان كده حاول تقلل من الالعاب وما تستخدمش الهاتف وهو في الشاحن..

[Omar005]

انا عمري ممسكتوا فل شاحن عمومن بس العب المستوي بقي وحش اوي الا لو انت اعد في وش مروحه او تكييف

[Anonymous]

زي ما حضرتك قلت مستوى الالعاب بقي وحش إلا لو انت في مكان درجه الحراره فيه منخفضة

[Ahmed156]

وديه التوكيل يعملك فحص علشان لو فيه عيب صناعة تلحق نفسك وتستبدله

[elhawary]

الدنيا حر والتليفون اكيد بيسخن من غير متشتغل عليه ودا طبيعي فلما تلعب ويسخن زياده وحرارة المعالج بتعلى بيضطر يبطأ الأداء اتوماتيك عشان يبرد نفسه وميبوظش على المدى القريب وعشان البطاريه ودا بيأثر على اللعبه
فحاول متلعبش في الحر
ولو كنت حدثت التليفون لاندرويد ١٠ المفروض تعمل له ضبط مصنع بعديها عشان تخف من حرارة الجهاز

[NothingElseMatters]

مظبوط الكلام

[Samah-Ahmed]

مساء يا فندم مع حضرتك سماح من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك