Samsung A71

[yasmin55]

 الموبايل لما بعمل مكالمة تليفون بيقفل الشاشه  لوحدوا(الشاشه بتكون سوده) لازم يتحط في الشحن عشان يشتغل لازم افعل الزر اللي في صوره عشان مايقفلش و تكون الشاشه سوده في المكالمه اللي هو

 sensors off الزر دة فا ايه الحل از ممكن مستخدمش الزر دة و المكالمة تشتغل طبيعي و مايقفلش و لا يهنج وقت المكالمة؟

[Amira-elnagar]

مساء  الخير يا فندم مع حضرتك اميرة من سامسونج مصر
بنشكرك جدا علي طرح سؤالك
في البدايه بعتذرلك جدا علي المشكله اللي واجهتك
بناءا علي سؤالك من الواضح أن حضرتك بتواجه مشكله فى ال sensor
أستأذن حضرتك فى أتباع الخطوات الاتيه :
1- نضغط الكود #0# 
 2- اختيار سينسور
3- مسح الشاشه بالكامل براحه اليد وليس تغطية الجزء العلوى كما هو متبع فى الاجهزة الاخرى 
وتتغير الشاشه الى اللون الاخضر بمعنى انه يعمل 
4-سوف تتغير الحاله من Release الى  Working 
لو أستمرت المشكله بعد عمل الخطوات الاتيه 
برجاء التوجه لاقرب فرع لحضرتك من خلال الرابط الاتي
https://www.samsung.com/eg/support/service-center/
نتمنى حل المشكله عند حضرتك فى أقرب وقت ممكن 
موجودين تحت أمرك وفى خدمتك فى أى وقت

شكرا لحضرتك و لوقتك 

[Anonymous]

هو الطبيعي ان الشاشه تقفل وقت المكالمه وتنور لما تبعدي الهاتف عن ودنيك
ال ايه ٧١ في نقطه بتطفي وتنور زي فلاش اثناء المكالمه
ده بيحصل معاكي ولا السنسور مش شغال

[yasmin55]

لا السنسور مش شغال الشاشه بتفضل شغاله وبعدان تقفل خالص و مش بيرضى يفتح غير بالشحن

[Anonymous]

طيب انتي كده عنديك هاردوير مش شغال
الحل اللي ممكن يساعد لو مش عايزه تروحي صيانه اننا نحاول نعطل السنسور ده من غير ما نعطل باقي السنسورات
وتشغلي الموضوع يدوي حتي لو مؤقتآ مثلآ لما المكالمه تبداء تستخدمي النقر المزدوج لغلق الشاشه ومع نهاية المكالمه نفس الخاصية لفتح الشاشه
هدورليك علي حاجه توقف السنسور ده فقط

[Anonymous]

بس انتي جربتي عمل استعادة ضبط المصنع عشان ممكن السنسور يشتغل بعديه ؟

[yasmin55]

لا مش عملت إعادة ضبط مصنع

[Anonymous]

طيب
شيلي السكرينه من علي الموبيل واعملي ضبط مصنع بس خدي باك اب الاول عشان كله هيتمسح وفي احتمال كبير يشتغل بعديه
حاجه تانيه ممكن برده مؤقتآ تستعملي سماعه وقت المكالمه او من خلال السييكر الشاشه مش هتطفي غير يدوي بخاصية النقر المزدوج مثلآ بدل زر الباور

[yasmin55]

شكرا جدا جدا لحضرتك تمام

[yasmin55]

إعادة ضبط مصنع كدة كله هيتمسح