Samsung A52

[Hamada52]

يا جماعة عاوز اعرف دة اخر تحديث لهاتف Samsung A52 14 مش هيجى غيرة غير تحديث امنى بس وسؤال تانى عاوز أفعل الNfc بحاول أضيف بطاقتى البنكية علية مش عارف وبيقولوا سمعت كدة ان لازم Samsung wallet وبحثت عنة فى جوجل بلاى بيقولى لايدعم هذة البلد وفى نفس الوقت حملتة من على جوجل كروم ومع ذالك مش عرفت استخدمة فمن فضلكوا حد يفيدنى فى الحوار دة 

وأسف لو كنت طولت عليكوا

[FarisMohamاب]

تطبيق Samsung Wallet على متجر Google Play محظور في مصر و حتى لو نزلته من خارج المتجر مش حيشتغل

[Hamada52]

لا كان فتح معايا بس انا اللى مش عرفت أتعامل علية بس حاجة غريبة اخويا معاة نفس موبيلى وكان بيتعامل علية عادى يعنى شحن الغاز او اى شحن تانى او الكهرباء كان بيشحنة عادى بيحط الكارت فى ضهر الموبيل بس بطريقة معينة بس المشكلة انى عشان استخدمة المفروض يبقى فية طريقة دفع وهيا الفيزا ضافها ازاى مش عارف

[Hamada52]

وفية ناس كتير بتستخدمة عاوز اعرف ازاى

[أبوسرور١٢٢]

تحديث النظام إنتهى 

بيحصل تحديثات أمنية ربع سنوية لسد الثغرات ونقاط الضعف في النظام 

محفظة سامسونغ مش متوفرة في مصر حاليا اللي شفتهم يستخدموها أجهزتهم من دول تدعم الخدمة زي الإمارات والسعودية 

لما تدخل الضبط - حول الهاتف - معلومات البرنامج - رمز مزود الخدمة حتلاقي تحت 

EGY ده ورمز مصر 

رمز السعودية KSA

رمز الإمارات والكويت وعمان وقطر والبحرين XSG 

دي الدول العربية حيشتغل فيها التطبيق طبعا مع كوريا وأمريكا 

خدمة سامسونغ واليت بس تشتغل في 32 دولة حول العالم

إمتظر في الربع الاول حتتفعل الخدمة بإذن الله في مصر وأوعى تحمل تطبيق من مصدر خارجي 

[Hamada52]

تمام بس عاوز افهم دلوقتي أخويا بيشتغل عندة ازاى البرنامج من غير Samsung wallet شحن قدامى كذا مرة عن طريق الNfc

[أبوسرور١٢٢]

بيستخدموا تطبيق تاني حق الدفع غير سامسونغ واليت 

إسألهم بتستخدموا ايه

[Hamada52]

وحضرتك متعرفش اى برنامج دفع تانى غير سامسونج واليت