Galaxy A70

[Mustafa96]

من اكتر من سنة نزل اندرويد ١٠ وكان مبوظ الجهاز ( بطء و سخونة و البطارية بقيت بتخلص بسرعة وتطبيقات قديمة كانت شغالة وعطلت ) وساعتها قدرت بالعافية أرجع الموبايل لأندرويد ٩ ولغيت اي تحديثات .. الناس اللي كملت تحديثات تقولي هل الموبايل رجع سريع ولا زي ماهوا بطيء ؟

[m7mdA52]

اولا البطء والسخونه دا بسبب تحديث الجهاز
ثانيا البطاريه بتخلص بسرعة علشان الجهاز لسه بيكون هيتعلم استخدامك للجهاز بعد التحديث
ثالثا التطبيقات اللى تعطلت انت كنت حدثتها وكانت هتشتغل تمام

[Mustafa96]

موبايلك a70 ؟

[HamadaAhmed]

وازاى رجعت لاندرويد ٩ ؟

[Mustafa96]

ادخل على صفحتي هتلاقي بوست فيه الطريقة

[HamadaAhmed]

اللي واضح في صفحتك انك نزلت اندرويد ٩ وسطبته بالاودين ودا غير منطقي ، لان التحديث بينزل بحمايه اعلي من اللي قبله ومستحيل يقبل الجهاز بحمايه اقل الا اذا اتعمل روت للجهاز ، حتي التحديث الامني الشهرى بيختلف وبيكون اعلي مىاللي قبله
u1,u2,u3,u4.....etc

[Mustafa96]

والله معرفش المنطق معترض عليا ولا لأ 😂 بس عموما الكلام اللي في البوست هوا بالظبط اللي انا عملته من غير زيادة أو نقصان
مش لازم تجرب الطريقة دي شوف الطريقة اللي تريحك وامشي عليها

[HamadaAhmed]

تمام، انا مش بسأل عشان عايز ارجع اندرويد سابق ، انا كنت بسالك بس عن الطريقه هل بروت ولا بدون روت .
وهي وجهات نظر وراحه نفسيه انت مرتاح في اندرويد ٩ ، انا بعتبر قيمه الجهاز في تحديثاته واول ما بيطلع من التحديثات والدعم اغلب الناس بتشترى الجديد والمدعوم بالتحديثات .

[Mustafa96]

لا من غير روت
أنا عندي نفس وجهة نظرك برضو وبحب التحديثات بس التحديث لاندرويد ١٠ سببلي معاناة مع الموبايل وعانيت اكتر على معرفت ارجعه لاندرويد ٩
وعشان مارجعش للمعاناة دي تاني بطلت أحدث

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك