Galaxy A

[YassinShaltout]

للاسف الشديد بيقنا نشوف العروض والهدايا من شركات عملاقة زي سامسونج وفودافون مش مجانا !! 

يعني عرض فلوسك كلها هترجعلك مش مجانا بيشطرت عليك تعمل باقة ماتقلش عن ٣٠ جنيه عشان تحصل عالكاش باك وحدات 

وهنا العرض مبقاش هدية بالعكس ده الشركتين اجبروك انك تدفع ٣٠ جنيه شهريا 

انا واحد من الناس مبحبش حد يجبرني ع حاجه ومبحبش الباقات واصلا مابستخدمش ٣٠ جنيه فث الشهر 

يعني لو عملت الباقة دي هبقى مش محتاج برضه الهدية!! 

وده مالوش غير معنى واحد   ( نصب ) 

[Ahmed8000]

وأنا زيك استخدمت العرض أول شهر مجانا وبعد كده لغيته

وطبعا ديه كلها عروض وهمية عشان الشركات تبيع
ومع العلم الوحدات إللي في عرض فلوسك رجعالك دقايق وميجابيت لفودافون بس يعني لو عاوز تكلم حد من شبكة تانية هيخصم من الرصيد ومش هياخد ٥ وحدات الدقيقة زي انظمة فليكس

[YassinShaltout]

المفروض الناس تقول رايهم في الموضوع ده
عشان ده نصب واستغلال

[Ahmed8000]

آيوه طبعا بس ده مش هيغير حاجة في البيع والشراء إللي رايح يشتري موبايل بيشتريها عشان المميزات إللي فيه مش عشان العروض وإللي قرأ شروط العرض هيعرف إنه نصب و استغلال وفي الاخر أهي فلوسنا ضايعة في كلام فاضي و موبايلات بلاستيك متستاهلش

[YassinShaltout]

معلش انا كلامي في الاول وفي الاخر ان ده عرض والعرض هدية يبقى ليه اشترط عليك تدفع فلوس تاني عشان تاخد العرض قلته احسن
عاملين زي فودافون يقولك مبروك جالك هدية ٥٠ دقية لارقام فودافون بجنيه
هدية ازاي يا ناس لما هندفعلها فلوس
ماتضحكوش ع عقولنا احنا بنفهم والله!

[dark66]

طيب حضرتك جرب كدة واشترك فى الباقه وكل شهر ما تشحن الباقه واعمل الرقم الخاص بعرض فلوسك راجعالك فى الميعاد من كل شهر من غير ما تشحن الباقه لانى انا معايا a50 وعملت باقه 35 واديلى اكتر من سنه مش بشحن الباقه وباحصل على العرض من غير ما اشحن الباقه

[YassinShaltout]

جربت قالولي لازم تشترك في باقة