سامسونج في الفئات اللي سعرها نازل شوية بتعمل توازن كده بين الشكل والمواصفات، بس الشبكة بتاخد على قفاها شوية. يعني الموبايل ييجي بشاشة حلوة، كاميرا مقبولة، بطارية كويسة… بس أول ما تيجي عند الشبكة تحس إنك رجعت زمن التليفون الأرضي.
ليه؟ علشان ببساطة سامسونج بتحط مودم عادي مش جامد، يعني القطعة اللي بتلقط الشبكة مش بنفس قوة اللي بتحطها في الفئات الغالية. كأنك بتشتري عربية شيك بس الموتور بتاعها صغير، هتمشيك؟ آه. بس في طلعة بسيطة هتسمع صوت الموتور بيصرخ.
كمان السوفتوير مش ذكي قوي في التعامل مع الشبكة. ساعات الموبايل يفضل ماسك برج الشبكة الضعيف ومش راضي يبدّل، تحس إن الموبايل عنيد كأنك بتكلمه ومش عايز يفهم.
الهوائيات؟ قليلة. يعني لو مسكت الموبايل بطريقة معينة الشبكة تقطع، تحس إنك لازم تمسكه بطريقة سرية علشان ميتخنقش.
سامسونج عاملة كده علشان تضبط السعر، وده مفهوم. بس لو الشبكة عندك هي الأهم، يبقى لازم تعيد حساباتك. يا تطلع فئة أعلى.
معناه اقسم بالله بعانى من الموضوع ده بطريقه سخيفه جدا تقريبا لابستقبل ولابتصل الا من خلال وضع التليفون على وضع الطيران ثم عودته وقتها بيلقط شبكه عاوزين حل ضرورى من فضلكم
