الأصدقاء على المنتدى الذين قاموا بشراء هاتف A53 5G برجاء إعطاءنا نبذة عن تجربتهم مع الهاتف من حيث شبكات المحمول والواى فاى والألعاب والبطارية والإستخدام اليومى بوجه عام وهل يستحق الشراء . أم هناك أفضل منه من هواتف 2022 والتى خرجت من الكرتونة بأندرويد 12 وواجهة One Ui 4.1 . ؤشكرا مقدما على الرد .
انا مش معايه وما جربتوش بس هقولك كام نقطه يمكن يكون منهم افادة انا عارف انك عانيت من تأخر تحديثات فئة السبعات ومع كده انصح بال ايه ٧٣ بدل منه المعالجين قريبين في الارقام لكن في تفوق للسناب في الاداء والالعاب واستقبال الشبكات شامل الواي فاي النقطة الثانية للاسف بقي ملاحظ جدآ جدآ في الاونه الاخيرة تعمد سامسونج تبطئ المعالجات للهواتف اللي بيمر عليها فترة زي سنتين وسنتين ونص وبرده الملاحظ ان اللعب كله في الهواتف اللي بتحمل معالجها الاجزينوس لسه اللعب في السناب ما ظهرش ده حتي الان علي الاقل
من الزاويه دي يبقي ال ايه ٥٢ اس بيظهر في المقارنه بشده لانه نفس المعالج بتاع ايه ٧٣ مع تحديث امني شهرى وبالنسبة انه متأخر عنهم نسخة فا انا اعتقد ان كلنا قريب جدآ لو كملت سياسة سامسونج علي كده هنرجع هواتفنا لنسخة الاندرويد الاولي بعد سنتين ونص بالكتير يعني مش هنلحق او نعرف نستفاد بحكاية اربع نسخ دي ده بالاضافة كمان لوجود شاحن بالعلبة وفتحت ال ٣.٥ ملي
يعنى ينفع ياأستاذ رامى إبنى شارى A52 S ب 6900 جنيه مساحة تخزين 256 G وانا أشتريه فوق 9000 جنيه من أجل هذه النقطة محتم إنى أشترى هاتف خارج من الكرتونة بأندرويد 12 لأنى أجلت الشراء لأن A70 عليه أندرويد 11 وترددت أنى أشترى A52s لأنه صدر بأندرويد 11 .
والله يااستاذة أميرة أنا شاهدت كل المراجعات للهاتف ولكن المثل بيقول إسأل مجرب قبل الذهاب للطبيب فأنا سؤالى عن التجربة الفعلية لمن اقتنى هذا الهاتف فعلا وقام باستخدامه فعلا فهذه الأيام التى لاضوء للفجر فيها تستحق أن نضع كل قرش فى مكانه الصحيح مع هذا الغلاء الفاحش .
