A52s رعشة شااشه

[Ayafouad]

انا جبت موبايل a52s من شعر بالظبط و بعد اول اسبوع ظهرت رعشه في الشاشه لما باجي اتصل بحد او حد يتصل بيا و روحت التوكيل قالولي لازم  تصوري المشكله و كشف علي الشاشه قالي مافيهاش حاجه بعد  كده مابقاش يرعش دلوقتي رجعت الشاشه ترعش جدا عند الاتصال  و فات شهر مش هينفع ابدله كده المفروض اعمل ايه؟ 

[Ayafouad]

و برضه بيعمل كده؟

[yasor]

ايواا

[yasor]

هو علطول معاكي كدااا

[yasor]

انصحك تروحي التوكيل في اقرب وقت

[MOHA122112]

حاولي تصوري الشاشة باي موبايل تاني وهي بترعش يعني رني على حد وصوري الشاشة ووريها لبتاع التوكيل ولو رفض وقال الشاشة مفهاش حاجة اعملي مشكلة وقوليله هشتكيك في جهاز حماية المستهلك

[Samah-Ahmed]

صباح الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

 أستأذن حضرتك فى اتباع الخطوات الأتيه :

1. استاذنك ادخال الكود التالي *#0*#

2. واختار اي لون من الالوان الظاهره Red & green & blue

3. فى حاله ظهور الالوان بصوره طبيعيه يبقى الجهاز يعمل بشكل طبيعى

4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه:

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

و

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[Omararef]

الجهاز معاه ضمان سنة مفيش حاجة اسمها فات شهر لو الجهاز فيه مشكلة روحي بدليه ولو وقدمي شكوى في حماية المستهلك طلاما الجهاز في مشكلة

[amt1984]

انا عندى نفس المشكله  سامسونج a52 s

[amt1984]

نفس إلى بيحصل  معايا بالظبط الرجاء حل جزرىانا زهت من الموبايل ياريتنى  ماجيت سامسونج  الاوبو مكنش بيعمل معايا مشاكل نهائي 

[johnsafwat]

عندي نفس المشكلة في الشاشة ظهور رعشة بيضاء بتقعد ثواني توجهت لمركز الصيانة تم الكشف علي الهاتف قالو استني الابديت هيحل المشكلة عملت الابديت لسه الرعشة مستمره توجهت تاني لمركز الصيانة موثق فيديوهات بالرعشة عملو سوفت وير للهاتف في المره التانية و قالو مفيش مشكلة في الهاتف و لسه الرعشة مستمره ايه الحل !!!