A52 4g تحديث

[mfathi619]

التحديث القادم التحديث الأمني لشهر يناير، علشان محدش يعلق امله في الهوا ،لسة مفيش اي اخبار عن تحديث one ui 6 ومش فاهم اتأخر كل ده ليه!، ومفيش توضيح من الشركة! ، حتى خدمة العملاء عايشين ف مية البطيخ ويقولك يافندم التحديث نزل بالفعل فعل التحديث التلقائي، توجه لمركز الصيانة ينزلك يدوي، ومركز الصيانة او فرع الشركة يقولك مين العبيط اللي قالك كدا مفيش الكلام ده !، خدمة العملاء بتسرح بدماغ العملاء ومفيش اي توضيح وحاجة اخر عك.

[ZiadSenior]

أنا بقول اهو، سامسونج مصر ملوش دعوه بالحاجات دي علي ما أنا عارف ، هما بياخدوا التحديثات خام من الشركة الرئيسية في كوريا و يعدلوا عليها شويه فقط

[mfathi619]

اولا انا كعميل مليش علاقة بالقصة دي، كل اللي يهمني انه لما يواجهني مشكلة الاقي تقدير واهتمام وحل لمشكلتي من خلال خدمة العملاء التابعة لبلدي وده مش كلامي دي سياسة الشركة نفسها.
ثانيا حضرتك بناء على ايه بتقول الكلام ده وايه مصدرك هل حد مسؤول في الشركة نشر بيان بالكلام ده ومتوثق رسميا ولاهو جدعنة واجتهاد منك كدا؟

[ZiadSenior]

أنا هقول لحضرتك علي حاجه لو تقدر تجيلبي الموديل إيه بالظبط زي مثلا A525M و أنا هقدر أشوف إذا كان وصل ل سامسونج مصر و لا لأ

[mfathi619]

حضرتك انا موديل (F)متتعبش نفسك انا عارف انه لسة منزلش مصر، لو هتروح تشوف على سام موبايل او شيك فيرم، مش دي قصتي انا موضوعي فين خدمة العملاء من القصة دي، وحضرتك برضوا عندك اصرار تاخد الموضوع في حتة تانية، ولو هتقولي خدمة العملاء في مصر ملهاش دعوة امال هي لازمتها ايه!، طيب انا كعميل لسامسونج في مصر عندي مشكلة، المفروض اروح لمين يحل مشكلتي ؟

[تيوليب]

يعنى جربت تروح مركز الصيانه تسأل

[mfathi619]

ده جميع الناس حصل معاها نفس الموقف بالظبط ونفس الكلام

[تيوليب]

اه لكن هل ممكن مركز الصيانه يساعدنا فى تنزيل اندرويد ١٤

[mfathi619]

ايوة بس ده في حالة لو التحديث نزل مصر وعندك مشكلة فر استقبال التحديث الهوائي مركز الصيانة بينزله

[تيوليب]

لو جالك التحديث قول انا واقف عندى من شهرين مفيش اى حاجه بتوصل ل ٥٢

[mfathi619]

كلنا هكذا، والتحديث لسة منزلش متأخر من الشركة