A51

[ZeKoOoOo]

من ساعه م نزل اندرويد 13 والبطاريه بقت بتشحن بطئ وبتخلص بسرعه ومكنش كدا قبلها ! في اعدادات معينه او حاجه للمشكله دي ؟

[Abdallah_Mohamed16]

لا للأسف ده عند كل الناس وعندي انا شخصيا بس بالنسبة لسرعة الشحن ممكن تفعل خاصية الشحن السريع لو مش متفعلة

[Ahmed8607]

انا لسه باحمل التحديث
اثبته و لا الجهاز هيبقى متعب ؟

[jokarians]

يسطا بص من الاخر ف موبايلات اشتكت وكده وموبايلات لا وهتفضل ف حيرة وكده بس اقفل ع كل ده وشوف بنفسك لان ف ناس اصلا عندها عيوب من قبل التحديث اصلا بس ربطوها بالتحديث

انا الفون بتاعي حدثته وبقي كويس ونفس السلاسة والشحن كويس والبطارية كويسة وكل حاجة تمام

[Ahmed8607]

تمام
تسلم يا صديقى

[Alya011]

انا مشكلتي مش في التحديث الموبايل من قبل التحديث بيومين لحد دلوقتي بيعمل ريستارت من تلقاء نفسه مش بيفتح اكتر من ربع ساعة ويعمل ريستارت مش فاهم فين المشكلة محتاج حل بجد لاني مش عارف استعمل الموبايل ؟!!

[jokarians]

بص اعادة التشغيل التلقائي شوفها ف الاعدادات كده متفعلة ولالا ده اولا

ثانيا لو لقيت كل حاجة تمام شوف ف تطبيقات متكركة او اي حاجة بتعمل اعادة تشغيل للموبايل مثلا

ثالثا تقدر تكلم الدعم وهوا هيعمل اتصال من الفون بتاعك عن بعد ويشوف هوا المشكلة ويحلها

او بقي عيب من الشركة والضمان احسن مكان يحل المشكلة

[Ahmed8607]

حدثته و اشتغل كويس الحمد لله

[jokarians]

ع بركة الله ، هتلاقيه كويس معاك متقلقش يعني

[samsungmena]

ZeKoOoOo

مساء الخير يا فندم مع حضرتك امنيه من سامسونج مصر

بنشكرك جدا علي طرح سؤالك ونتمنى لحضرتك يوم سعيد

بخصوص استفسار حضرتك استأذنك التأكد من بعض الخطوات

التأكد من استخدام الشاحن الاصلى الخاص بالجهاز

تجربة شاحن اخر مع الجهاز

قم بتخفيض درجه سطوع الشاشة

اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة

قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية

قم بإستخدام الجهاز على وضع توفير الطاقة

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك