A32

[dina32]

صباح الخير موبيلى سامسونج a32 بلتحظ فى الفترة الاخيرة ان البطارية بتنزل بسرعة جدا والشحن بقي بياخد وقت اطول من قبل كدا علشان يكمل .. قبل كدا كانت لو الشحن اقل من ٢٠% بياخد اقل من ساعتين عالشاحن دلوقت بتوصل ل٣ ساعات وساعات كعلومات الشحن مبتظهرش غي لو شيلت السوكيت وحطيته تانى 

انا مفيش حاجة اتغيرت فى استعمالى بستعملة مكالمات تليفون وبتصفح فيس بوك ،وواتس ونادر اوى لو استعملت كاميرا ومشفاهمة هو فيه ايه او فى اجراء باخده مثلا بوديه لحد او ف بطارية بتتغير او كدا ؟؟ متشكرة ليكم جدا

[تميرك]

هو عادي ده طبيعي مع الكل البطارية بتنزل بسرعه حتي معاية انا شخصيا وكان في الاول الفون بيشحن معاية بسرعه ودلوقت بقي ياخد وقت أطول في الشحن لدرجه شكيت ان المشكلة في الفون بتاعي بس لما لقيت المشكلة دي حاصله مع ناس كتير مش معاية انا بس وقتها اطمنت ان المشكلة مش في الفون
بس هو الأكيد اللي بيحصل ده بسبب التحديثات اللي بتنزل علي الجهاز بس انتي اهم حاجة تكوني بتستخدمي الشاحن الأصلي ومفعله الشحن السريع وتعملي اختبار للبطارية لو ظهر معاكي الحياة جيد يبقي كده تلفونك سليم

[dina32]

اه ظهر جيد الحمدلله

[تميرك]

يبقي كده مفيش مشكلة واتاكدي انك مفعله الشحن السريع

[Samsung Admin]

مساء الخير يا فندم مع اميرة من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بناءا على سؤالكبناءا على سؤالك استاذنك نتبع بعض الخطوات كالتالي:
التأكد من استخدام الشاحن الاصلى الخاص بالجهاز
تجربة شاحن اخر مع الجهاز
قم بتخفيض درجه سطوع الشاشة
اغلاق الميزات الغير مستخدمة مثل البلوتوث وال GPS
قم بإغلاق التطبيقات المفتوحة والتى تعمل فى الخلفية وغير مستخدمة
قم بالتاكد من عدم وجود اى مشكله فى البطارية الخاصة بالجهاز او زر التشغيل
قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية
عن طريق الضغط على الضبط – صيانة الجهاز – البطارية – استهلاك البطارية
قم بإستخدام الجهاز على وضع توفير الطاقة
فى حالة استمرار المشكلة يرجى اعادة ضبط المصنع للجهاز.
الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch
http://www.samsung.com/eg/support/smartswitch/
بشكل عام ، يتم تطبيق تحسين أداء البطارية من خلال التعرف على نمط استخدام البطارية بعد الاستخدام الأولي بعد شراء المنتج أو ترقية نظام التشغيل. خلال فترة تعلم نمط استخدام البطارية الأولي ، قد تشعر باستنزاف البطارية بسرعة.
إذا تم استهلاك البطارية بشكل مستمر لفترة طويلة ، فقد يكون ذلك عاملاً آخر ، لذا يرجى التحقق مما يلي بشكل إضافي.
عند تشغيل تطبيقات متعددة في نفس الوقت ، وتشغيل الألعاب أو التطبيقات التي تتطلب دقة عالية وأداءً عاليًا ، وتشغيل المزامنة
Wi-Fi, Bluetooth, GPS,التلقائية و
سوف تستنزف البطارية بسرعة
يوصى بتحسين وقت استخدام البطارية عن طريق ضبط بطارية قابلة للتكيف أو إضافة تطبيقات غير مستخدمة للنوم بناءً على نمط الاستخدام الخاص بك.
(الإعدادات ← العناية بالبطارية والجهاز ← البطارية ← المزيد من إعدادات البطارية ← تشغيل البطارية التكيفية)
يمكنك أيضًا التحقق من حالة البطارية باستخدام تطبيق
ذا كنت تستخدم وظيفة العناية Samsung Members
بالهاتف الخاصة بأعضاء سامسونج كنك التحقق من حالة البطارية بنفسك من خلال الخطوات التالية
samsung Members > Get help > Interactive checks > Battery.
إذا لم يتم حل المشكلة ، يمكنك تكريمنا بزيارتك لأقرب مركز صيانة لتشخيص الجهاز وحل المشكلة.
يمكنك أن ترسل لنا مدينتك ومنطقتك السكنية لنرسل لك أقرب مركز خدمة
أو يمكنك اتباع الرابط أدناه للعثور على أقرب مركز:
http://www.samsung.com/eg/support/servicelocation/
ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك

[dina32]

انا مالقتش الاوبشنات بتاعة صيانة البطارية دي فى القايمة ولا كلمة استهلاك البطارية ولكن باقى الحجات بعملها بشحن بالشاحن الاصلى ومش بشغل بلوتوث او جي بي اس ومش مزودة اضاءة الشاشة وطول الوقت الوضع هو توفير الطاقة وكان كل دا كويس قبل كدا دلوقت بقى الشحن بينزل بسرعة اوي وبياخد وقت كبير

[تميرك]

انتي بتستخدمي شاحن كام واط ودلوقتي البطارية بتقعد معاكي قد اي مثلا

[dina32]

بستخدم الشاحن ال جاى مع الجهاز معنديش فكرة كام واط والبطارية ماكس مام يوم مثلا او اقل ولو مفتحتش نت مممن تقعد يوم ونص

[تميرك]

يبقي الشاحن اللي معاكي ١٥ واط وهو بيقعد معاكي قد اي في الشحن

[dina32]

اعتقد مكتوب ١٠ واط بس الخط مش واضح فا مش عارفة اقرا اوى .. الاول كان بيقعد اقل من ساعتين دلوقتى ساعتين وحاجة وخمسين دقيقة