وجود رساله عند الاتصال *لم يتم التسجيل ع الشبكه *

[mohamedmosaad1]

A51 يا جماعه ممكن حد يفيدنى ف الموضوع ده 

اوقات وانا بتصل الاتصال بيفصل مع رساله *لم يتم التسجيل على الشبكه * مع وجود الشبكه 

هل دى مشكله الشبكه فعلا والا كده ف مشكله ف الموبايل 

[essaahmed]

ههههههههههههه
انا معايا نوت 10 بلس وبيقولي بعد مايخلص رن وميردش خطأ في الشبكة
شبكات المحمول في مصر تعبانه

[mms911]

ظهرت لي امبارح ولم ينفع معها تفعيل وضع الطيران والغاءه وكان الحل الاخر اعادة تشغيل الجهاز وحلت المشكلة.

[y50a3s4er]

اعمل استبدال شريحة من اي فرع واعمل نسخ الأسماء وان شاء الله هيكون زي الفل

[NothingElseMatters]

شريحة وي هي اللي بيحصل فيها كده
غير مكان الشريحة وخليها شغالة لوحدها وجربها في مكانين الشرايح لو استمرت المشكلة غير الشريحة لو استمرت المشكلة ممكن يكون فيه عيب في بيت الشرايح

[mohamedmosaad1]

بس المشكله دى مش باستمرار

[NothingElseMatters]

هو ده عيب شريحة وي

[Sara-nader]

مساء الخير يا أستاذ محمد مع حضرتك ساره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك من الموضح أن حضرتك بتواجه مشكله فى الشبكه الخاصه بجهاز حضرتك

استأذن حضرتك فى اتباع الخطوات الأتيه للتمكن من المساعده

1-الدخول الى الضبط

2 -اختيار  المزيد

3- المزيد من الشبكات

4- شبكات الهاتف المحموله

5- نمط الشبكة

6- حضرتك بتختار شبكة اخرى غير الشبكة المستخدمة

ممكن نجرب وضع الطيران ثم تشغيله مرة أخرى لتنشيط الشبكة

لو نفس المشكله مستمره

  يرجى  اعادة ضبط المصنع للجهاز.

الضبط

← الاداره العامة

← إعادة الضبط

← إعادة تعيين بيانات المصنع

←إعادة ضبط

← مسح الكل.

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch

http://www.samsung.com/eg/support/smartswitch/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك