مشكله في SIM Card

[pova]

انا معايا جهاز A52s 5G ومن اول اما جبته كانت الشبكة كويسه في الارسال والاستقبال .....بس من فترة قصيرة كدا بدأت الشبكة تضعف وتظهرلي رسائل لما اتصل بحد زي Not Registered on Network وكمان رسائل لوحدها زي Refreshing SIM data 

ف الحل اية ؟ !

وهل العيب من الجهاز ولا من الخط ؟! 

[silia]

نفس الحاجة معايا بس بتاعي j4+

[Malkhouly13]

الجهاز معاي وممتاز جدا .. ممكن يكون في عيب ف الشريحة عندك اعملها استبدال و جرب

[samsungmena]

pova

مساء الخير يا فندم مع حضرتك مهاد من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

التأكد من عدم تعرض الجهاز لسائل او صدمة

تغيير وضع الشبكه والتأكد هل هناك تغيير ام لا

الاعدادات – الاتصالات – شبكات الهاتف المحمول – اعداد الشبكات – وضع الشبكة

اغلاق الجهاز واعادة تشغيله والتأكد هل المشكلة مستمرة ام لا

تجربة شريحه اخرى مع الجهاز

فى حالة ان الشريحه الاخرى تعمل اذا المشكلة فى الشريحه الاولى وبرجاء التواصل مع مطور الشبكه الخاصة بالشريحه

فى حالة ان المشكلة مستمرة اثناء تجربة الشريحه الاخرى يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Refa3y]

المشكله دي حصلت بعد تحديث اندرويد 13 لو عندك شريحتين خلي وآحده فيهم
2g/3g automatic
وإللي بتفتح منها نت
Lte/3g/2g
وغالبا إنت عندك خط منهم فودافون