مشكلة في a34 5g

[الكلابشاوي]

مشكلة مريت بها علي هاتفي وقلت انقل لكم التجربة يمكن تفيد حد.. انا بحب اعمل سوفت يدوي عن طريق الكمبيوتر المهم كنت بثبت بعض البرامج والظاهر برنامج منهم مكانش مناسب للفون بتاعي.. ايه اللي بيحصل بقي.. لما باجى اشحن الفون الشحن مش مستقر بيشحن ويفصل والشاشة تنور وتطفي وفي اقل من 20 ثانية الشاشة تنور تانى وتطفي الخ قلت في نفسي اجرب اشحن والفون مقفول.. وبرصه نفس الحكاية الشحن يشتغل ويفصل.. غيرت الشاحن وبرضه نفس المشكلة.. قلت مبدهاش بقي رحت عامل ضبط المصنع وعامل فورمات من وضعية الريكفري وحطيت الروم المصري.. وياسلااااااام الجهاز رجع فابريكه 😂زىالاول والشحن اتظبط ومبقاش يفصل.. والحمد لله.. بس الموضوع مرهق من تحديثات وبرامج يوووووووه وملحوظة اخرى الجهاز كان بيسخن منى لاول مرة وبحس بسخونية ع الشاشة ومن خلف الهاتف.. بس بعد السوفت الامور اتظبطت والحمد لله

[KhaledعLi]

طب اي الفرق بين السوفت وير المصر والاماراتي + أنزله ازاي واثبته ازاي

[الكلابشاوي]

الاتنين واحد بس الاماراتى مفيهوش تسجيل مكالمات انما المصري فيه تسجيل مكالمات وغير كده زى بعض.. تنزل السوفتمن موقع سام موبايل او سامفو.. بس اهم حاجة اسم الطراز يبقي مظبوط والسوفت مش بياخد 4 دقائق بالكتير

[الكلابشاوي]

https://samfw.com/firmware/SM-A346E
ده موقع سام فو اكتب اسم موديل فونك زى كده
sm-346e
واختار دولتك وببرنامج الاودن اعمل السوفت
ومتنساش تعريفات سامسونج عشان الكمبيوتر يتعرف ع الفون

[abrahamben]

هو انت شاطر ف Software الهواتف الذكية كده لدرجة إنك بتعرب تعمل تسطيب للأندرويد من خلال الكمبيوتر .. انا مش عارف أستخدم فوني بحالته الحالية 😳😌😌

[الكلابشاوي]

كنت شغال في محل سوفتويرات من ايام النوكيا.. ولعلمك السوفت بتاع اليومين دول اسهل من سوفت النوكيا.. زمان اي غلطة بتلاقي الهاتف بقي حته خرده انما دلوقتي الجهاز مش بيقبل غير السوفت الصح

[الكلابشاوي]

لعلمك الموضوع اسهل مما تتوقع ادخل ع اليوتيوب واكتب عمل سوفت لهاتف... واكتب الهاتف بتاعك واتبع الطريقة بالحرف.. وزمان ممكن سوفت غلط يبوظ الهاتف انما دلوقتي الهاتف مش بيقبل غير السوفت المناسب... يعنى انا فوني a34 e النسخة العربية لو حاولت احط سوفت اوروبي لنفس الهاتف الجهاز ما يقبلش وبيديك خطا علي طول.. الحكارة بقت سهلة

[WaleedKhaled]

ممكن اسألك بس على الكواليتي بتاعة الكاميرا في برامج السوشيال زي سناب و انستا عاملة ازاي عشان عندي الكواليتي فيهم وحشة اوي عكس ابليكيشن الكاميرا العادي ومش عارف دي حاجة عامة في A34 ولا مشكلة سوفت

[الكلابشاوي]

والله الكاميرات زفت في a34 ومش احسن حاجة