مشكلة في مستشعر الإضاءة

[mido_ibrahim]

 عندى مشكلة فى مستشعر الاضاءة فى هاتف جلاكسى  a73 5g  فى الاماكن ضعيفة الاضاءة عند فتح الهاتف بالبصمة تحديدا بيرتفع مستشعر الاضاءة وينخفض بدون اى سبب .

مركز الصيانة عمل سوفت جديد واختفت المشكلة ولكن رجعت تانى بعد تحديث اندرويد ١٣ و one Ui5

الرجاء المساعدة 

[Amira-elnagar]

mido_ibrahim

مساء الخير يا فندم مع حضرتك اميرة من سامسونج مصر
 بنشكرك جدا علي طرح سؤالك ونتمنى لحضرتك يوم سعيد
يرجى عمل ضبط مصنع للجهاز عن طريق الخطوات الاتيه : 
- الضبط 
-الاداره العامه 
- اعاده الضبط 
-اعاده تعييين بيانات المصنع 
-اعاده الضبط 
-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تخذينها من خلال الرابط التالي الخاص ببرنامج
 Samsung smart switch 
http://www.samsung.com/eg/support/smartswitch/
نتمنى حل المشكله عند حضرتك فى أقرب وقت ممكن
ولو عندك أى استفسار أخر
هتلاقينا موجودين تحت أمرك فى أى وقت
شكرا لحضرتك ولوقتك

[mido_ibrahim]

مساء الخير ا / اميرة
حضرتك عملت ضبط مصنع وجربت الحلول اللى على الانترنت كلها للاسف مفيش جديد

[MoFawzy-00]

مساء الخير
لو عامل فتح القفل ببصمة الوجه ،جرب تبص لو الختيار الأخير اللي في الصورة ده متفعل ولا لأ،وظيفته انه بينور الشاشه زياده علشان لو الأضاءه ضعيفه يسهل معرفة الوجه

[mido_ibrahim]

متشكر لاهتمام حضرتك ولكن مش مفعل خاصية الغاء القفل ببصمة الوجه
وبحثت على الانترنت ولقيت ان دى مشكلة صادفت ناس فى هواتف سامسونج و جربت الحلول ولكن للاسف

[samsungmena]

mido_ibrahim

صباح الخير يا فندم مع حضرتك مهاد من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

فى حال استمرار المشكلة بعد اعادة ضبط المصنع برجاء التوجة الى اقرب مركز صيانة حتى يتم فحص الجهاز

استاذنك توضحلنا عنوانك عشان نوضح اقرب مركز صيانه ليك او تشرفنا بالدخول على الرابط التالي عشان تعرف اقرب مركز صيانة ليك

http://www.samsung.com/eg/support/servicelocation/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[mido_ibrahim]

اوك شكرا انا هروح مركز الصيانة

[modyessam2]

التحديث الجديد حلو ولا لا

[mido_ibrahim]

لا حلو بصراحة
اسرع من الاول
الايقونات اكتر وضوحا من الاول
الاشعارات الخاصة بتطبيق واحد اتجمعت بطريقة شيك وايقونات الاشعارات بقت اكبر
تعديل شاشة القفل بقى اسهل زى ios 16
فى الاعدادت جمع اكتر كل الحاجات ذات الصلة مع بعضها
طبعا الخلفيات والالوان بقت اكتر وتقدر تخصصها بطريقة محترفة اكتر
واحسن تحديث فعلا هو امكانية تخصيص لغة خاصة بكل تطبيق بس لسة تطبيقات سامسونج
الموجود حاليا تطبيقات جوجل

[modyessam2]

شكرا ليك حبيبي ياغالي 🥰🥰