مشكلة في تليفون a56

[mohamed_medhat]

اشتريت تليفون سامسونجa56

يوم 15/5/2025 و اكتشفت انه فيه مشكلة في التصوير الليلي و رحت احد فروع سامسونج و سلمت التليفون يوم 28/5 وحكتلهم على المشكلة و بعد كده خدمة العملاء ردو علينا قالوا التليفون سليم مفهوش مشكلة و فضلت ابعتلهم الفديوهات الي فيها المشكلة و اتواصل معاهم و مفيش نتيجه مصممين ان التليفون سليم و مفيش مشكلة مع العلم اني فوضتهم يستخدموا التليفون و يجربوه استخدام شخصي علشان يعرفوا المشاكل الي فيه و برضو ردوا عليا و قالوا التليفون سليم يافندم ممكن حضرتك تيجي تستلمه وتصور بيه و لو فيه مشكله في الاستخدام هاته تاني و بالفعل استلمت التليفون بعد معاناه مع خدمه العملاء علشان يجبروني اني استلمه و مصممين انه سليم يوم 14/6/2025 واستخدمت التليفون تاني يوم و لقيت نفس المشكله و صورت بيه و الصور بايظة و كلمتهم قالولي تمام يا فندم ممكن حضرتك توديه الفرع تاني و تتابع معانا و سلمته للفرع يوم 16/6/2025 و عليه الصور و الفديوز و بعتهم على الواتس اب برضو للتأكيد و ردو عليا انهاردة 22/6/2025 بقولوا ان التليفون فيه مشكله في الكاميرة وانه علشان هو خرج برة ال 30 يوم استبدال فاحنا هنغير الكاميرا في الضمان قولتلهم لا حضرتك انا المشكلة بتاعتي بعد شراء الجهاز باسبوع وانا ملاحظها و سلمته و انتم الي قولتولنا تعالو استلموا التليفون علشان تجربوه و لو في مشكله تعالو تاني وده الي انا عملته و المفرود ان فيه مصدقية في التعامل مع العميل

و لذلك انا بطالب بتغيير التليفون وليس اصلاحه او استرداد ثمنه و ان الي بيحصل ده اسمه نصب و احتيال ولا يليق بشركة كبيرة عالمية زي سامسونج

[GipsyKings79 · Accepted solution]

طبعآ مش معاك اي ورقة من الفرع بتاريخ الاستلام اللي بعد الشراء مباشرتآ ؟
عامتآ انا حصلت معايه مشكلة مشابهه بس مع اختلاف التفاصيل ولولا اني كنت مصور ورقة استلام الهاتف اللي موضح فيها التاريخ والحالة ما كنت عرفت احل المشكلة من خلال جهاز حماية المستهلك

تغيير الكاميرا داخل الضمان لو رسيت علي كده برده حل يمشي وما تضايقش نفسك

الهاتف صناعة ايه ؟

[Anonymous · Accepted solution]

اكيد صناعه مصريه صناعه مصريه يا عم
ولو في فتنامي يبقى هيدفع ضريبه والكلام الفاضي ده كله

[GipsyKings79 · Accepted solution]

لا مش شرط
الهاتف دخل منه في الاول الي مصر نسخ صناعة فيتنامي وكانت بتتباع من خلال وكلاء و بفاتورة ضريبيه عاديه

ثم بداء في نزول النسخة المصرية
يعني هتلاقي الغالبية مصرى والاقلية فيتنامي

[mohamed_medhat]

مش فاكر صناعة اية بس تقريبا مصري

[GipsyKings79 · Accepted solution]

مكتوب علي العلبة وعلي ضهر الهاتف

[cgxv · Accepted solution]

بص انت مبدئيا ما كانش ينفع ان انت تودي لي التوكيل تاني فاهمني انت كان لازم ان انت تصعد شكوى في حمايه المستهلك دلوقتي الحل ان انت تصعد شكوى في سامسونج نفسها ممكن تساعد شكوى على رقمهم اكتب لي رقمك تمام وانا هتواصل معاك وهصعد لك شكوى في سامسونج نفسها الشكوى يا فندم بتاخد من ساعتين لحد 24 ساعه عمل تمام اذا كان الكلام اللي حضرتك بتقوله ده صحيح

[mohamed_medhat]

خدمة العملاء قالولي الجهاز سليم لازم حضرتك تروح الفرع تستلمه وده الرد النهائي من القسم المختص و ان القسم المختص فحصه و قال مفيش مشكلة في الجهاز و لما تستلمه جربه و صور بيه ولو لقيت حاجة مش مظبوطة رجعه تاني الفرع 

مع العلم اني قدمت شكوى في حماية المستهلك بكل التفاصيل و حماية المستهلك قالتلي ان سامسونج بتقول ان الجهاز سليم و مفهوش حاجة  

بس انا عديت على الفرع امبارح و قلتلهم عاوز تقرير الصيانة  قالي تمام هقدملك طلب و هجهزلك التقرير انهاردة المفروض اروح استلمه من الفرع بس هيكون تقرير الصيانه القديم الي هو مثبوت فيه ان التليفون مفهوش مشاكل علشان التقرير الجديد لسه مش خلص  و بيقولي ان على السيستم مفيش اي تفاصيل عن موضوع انهم هيغيرولك  الكاميرا و الكلام الي قالوه في التليفون لما اتصلوا

و من الواضح ان الاقسام بتاعت الشركة مش منثقة مه بعض علشان الفرع بيقولي على السيستم ظاهر حجات و ان التليفون اتسلم لحماية المستهلك و في نفس الوقت لما اتصلوا بيا علشان يتفقوا معايا على موضوع تغيير الكاميرا في داخل الضمان و الكلام متناقض 

تواصلت معهم على الواتساب و قالولي ان القسم المختص بيفيد ان حضرتك رفضت الصيانة و ان ده الحل الوحيد الي عندهم و ده الرد النهائي 

فضلت اتكلم حوالي ساعه على الواتساب لحد ما صممت ان لازم حد يكلمني من المسأولين دلوقتي و لازم توصلني بالمدير المسأول و المراقبين على الشغل بتاعكم انا مش هقفل الشات غير لما حقي يرجع و اعرف ازاي تعملوا كده مع العملاء وانتم شركة كبيرة 

المهم في حد اتصل على الموبايل من الشركة و اعد يعتزر و قالي هنردلك ثمن التليفون في اقرب وقت و المشكلة محلولة واحنا اسفين و الكلام الكثير ده و المفروض منتظر اتصال منهم علشان استلم فلوس التليفون و ربنا يعوض علينا حرقة الدم و البهدلة الي الواحد شافهة بسبب الاهمال و عدم التقدير و هنشوف هيعملوا ايه  وربنا يسهل 

[cgxv]

كان المفروض ان حضرتك تسجل لهم المكالمه ساعتها دي رقم واحد رقم اثنين يا غالي انت كنت ساعتها تروح الفرع وتكلم سامسونج وتسيب لهم الجهاز هناك ما تستلموش كلم سامسونج وانت هناك وانت جوه التوكيل فاهمني وتوضح لهم ان هم بيقولوا لك استلم الجهاز وان الجهاز لسه فيه مشكله

[cgxv]

واصلا يا غالي المفروض ان الشكوى بتاخد ثلاث ايام بحد اقصى ثلاث ايام مش الارقام اللي انت بتقول عليها دي