عايزين حل مشكلة الواي فاي البعيد ارحمونا بقي

[RamyShalaby]

معظم مستخدمي سامسونج فئة A و M

بيشتكو من الواي فاي لا يلتقط الشبكات البعيده 

مطلوب تحديث لحل المشكلة دي

[dgdgf]

صح كلامك

[Ahmed0Fadl]

كل فئات سامسونج الجديدة كده ده مش عيب علي ما اعتقد ده شئ مقصود من السيستم انه يظهر الشبكات الي في نطاق قريب معين بس

[RamyShalaby]

بس دي حاجه سلبيه واعرف ناس باعت موبايلاتها السامسونج واشترت شاومي و اوبو بسبب العيب ده

[Ahmed0Fadl]

مش عارف بصراحة ايه الغرض من كده لكن لو انت متصل بالشبكة و بعدت عنها هيفضل متصل بيها عادي لكن السبب ورا انها متهرش للاتصال من بعيد معنديش علم بصراحة

[RamyShalaby]

فعلا لما اتصل من قريب وابعد عنها تفضل متصله عادي لكن الغي الاتصال واتصل من بعيد متظهرش خالص مش عارف ليه كده

[moe86]

اعتقد المشكله ف الانتينا بتاعت الموبايل ، لأن المشكله مش ف الواي فاي بس انما ف الشبكه كمان

[Nehal-ibrahim]

مساء الخير يا فندم . مع حضرتك نيهال من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بخصوص استفسار حضرتك استأذنك التأكد من الخطوات التالية:

التأكد من عدم تعرض الجهاز لسائل او صدمة

عدم تنزيل روم او روت على الجهاز

تجربة شبكة واى فاى اخرى مع الجهاز

كتابة الكود التالى فى جهات الاتصال

*#2663#

واختيار Refresh WiFi version

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك التعرف علي اقرب مركز لك من خلال الرابط التالي:
http://www.samsung.com/eg/support/servicelocation/
تحت أمر حضرتك في اي وقت

شكرا  لحضرتك و لوقتك