رعشة بتحصل في الشاشة

[A24Phone]

لو سمحت لما بفتح الموبايل بالبصمة بتحصل رعشة في الشاشة بس دي أوقات اه و أوقات لا.

الرعشة بتبقى عبارة ان الشاشة بتضعف وحركتها بتبقى بطيئة لفترة قصيرة وفي اوقات الرعشة دي بتطول لحد ما اعمل للموبايل restart او اقفله.

جهازي A24، وملحوظة: الكثير من مستخدمين ال A24 بيشتكوا من نفس المشكلة ودي تقريبا مشكلة سوفتوير، فلو في تحديث قريب يعالج المشكلة دي يبقى شكرا جزيلا.

[hmido]

نزل التحديث الاخير للجهاز لو مش منزله

[A24Phone]

انا منزل اخر تحديث وبردو نفس الحوار

[hmido]

انا لما جالي التحديث كنت بلعب ببجي حرفيا الجهاز كان هيسيح مني

[akram19]

أقفل السطوع التلقائي

[Samsung Admin]

مساء الخير يا فندم مع حضرتك اميرة من سامسونج مصر
بنشكرك جدا على طرح سؤالك وبنتمنى لحضرتك يوم سعيد
فى البدايه بعتذرلك جدا عن المشكله اللى بتواجه حضرتك
 أستأذن حضرتك فى اتباع الخطوات الأتيه :
1. استاذنك ادخال الكود التالي *#0*#
2. واختار اي لون من الالوان الظاهره Red & green & blue
3. فى حاله ظهور الالوان بصوره طبيعيه يبقى الجهاز يعمل بشكل طبيعى
4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه :
- الضبط 
-الاداره العامه 
- اعاده الضبط 
-اعاده تعييين بيانات المصنع 
-اعاده الضبط 
-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
 Samsung smart switch
http://www.samsung.com/eg/support/smartswitch/
فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها
وتقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/
نتمنى حل المشكله عند حضرتك فى أقرب وقت ممكن
ولو عندك أى استفسار أخر
هتلاقينا تحت أمر حضرتك وفى خدمتك فى أى وقت
شكرا لحضرتك ولوقتك

[فروسيم]

أنت شاريت التلفون من نين

[mohame3]

انا برضو عندي نفس المشكله دي ولسا شاري الفون ده

[A24Phone]

اقفل السطوع التلقائي
أنا جربتها والمشكلة اتحلت..

[mohame3]

طيب دي سوفت وير ولا هارد وير