دودو

[hader2020]

معايا سامسونج A30 وشاشته اتحرقت لوحدها وركبتله شاشه ودالوقتي ظاهر فيه جزء لونه موف كدا هتتحرق تاني ولا ايه حد يفيدني ارجوكوا

[mmmmmmmmmmmmm]

الشاشه الى راكبه مش اصليه
رجعيها ووظى الموبيل لتوكيل

[hader2020]

ارجعها ازاي ولو وديته للتوكيل لازم الكرتونه يتاعته ولا مش لازم

[mmmmmmmmmmmmm]

عادى قوليله دى مش اصليه وانا عاوز ارجعها
وفى ورقه كدة فى الكرتونه لونها ازرق
دى الضمان اطلعى بيها على التوكيل

[ĶHÃŁĘĐ]

انا الفون بتاعى كان فيه نقطه موف والشاشه اصليه مش متغيره قبل كدا وديته التوكسل غيرهالى معنا كدا ان ده عيب فا على حسب كانت شغاله كويس لما غيرتيها ولا جيباها كدا والمكان يه ضمان ولا لاء . بس دا كدا عيب وقالولى انه من الفيبريشن واتغيرت وغيره البطاريه كمان والشاشه والفريم بتاع الشاشه

[hader2020]

كانت كويسه لما غيرتها بقالها شهر شغاله وعملت النقطه الموف دي قد عقله الصابع كدا مش عارفه اعمل ايه هل ممكن تتعالج ولا عاوز شاشه جديده تاني

[faisal2030]

دي حاجه تعلمك انك متعمليش حاجه خارج التوكيل والضمان.
والشاشه ياتتغير بحسابها ، او نستخدمها زي ما هي

[eses5]

وديه التوكيل علشان ماتخليش حد يعوك فيه وخلاص

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

 أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك