جماعة ليه Samsung A 24 الشحن بتاعه بيقل حتى والشاشة مقفولة ومفيش اى استخدام؟!!

[Donia21]

جماعة هو ليه Samsung A 24 كل يوم اما اجى اصحى الاقى البطارية ناقصة ٧ ف المية بقالى اسبوع على كده والموضوع كل يوم بيزيد مع العلم انى لسه جايبة الموبايل مكملتش ٣ اسابيع ، ومتأكدة ان مفيش اى تطبيقات ف الخلفية ممكن تكون بتستهلك البطارية وعاملة وضع توفير البطارية

[FaresMohamedYT]

زيك والله بس انا موبايلي كان S3 neo مكانش بينزل الشحن زي كده مع إني كان إصدار ٢٠١٥ ومازال شغال حتي الأن

[Donia21]

هل تفيعل ميزة الشحن السريع ممكن تؤثر ع كفاءة الشحن او البطارية ف المستقبل؟

[FaresMohamedYT]

لا حضرتك ملهاش أي ضرر

[Donia21]

طب هل لابد انزل التحديث بتاع الموبايل ولا اسيبه كده
لانه اعتقد ممكن ياخد مساحة كبيرة من الموبايل

[FaresMohamedYT]

طبعا لازم حضرتك تنزل اي تحديث للموبايل عشان بعد كده حتلاقي بعض تطبيقات متشتغلش ده غير المميزات الي بيضيفها للموبايل وممكن يحللك اي مشاكل بتواجها في الجهاز ويفضل بعد ما تحدث تعمل إعادة ضبط المصنع حتلاقي في تحسن كبير في الهاتف و بالنسبه للمساحة فمساحة التحديث مش حتكون اكتر من ٣ جيجا وده مش رقم كبير متنساش الموبايل مساحته ١٢٨ جيجا

[Alfarg]

أنا معي هاتف مثله a24 من9 شهور وهذا امر طبيعي وانصحك بتفعيل وضع الطيران عند الشحن ستنخفض النسبه

[SamsungModerator1]

Donia21

مساء الخير يا فندم مع حضرتك مهاد من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

برجاء  اتباع  الخطوات  الاتية

التأكد من استخدام الشاحن الاصلى الخاص بالجهاز
تجربة شاحن اخر مع الجهاز
قم بتخفيض درجه سطوع الشاشة
اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة
قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية
قم بإستخدام الجهاز على وضع توفير الطاقة

فى حالة استمرار المشكلة يرجى  اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch
http://www.samsung.com/eg/support/smartswitch/
وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك اتباع الرابط أدناه للعثور على أقرب مركز:
http://www.samsung.com/eg/support/servicelocation/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك  

[MohammedAshraff]

فى تطبيقات بتفضل شغاله فى الخلفيه وبتستهلك من البطاريه جامد اتاكدى انك مش مثبته تطبيق من التطبيقات دى

[Donia21]

انا بشحن بشاحن انكر ٢٥ وات وهو مناسب لجهازى ، هل كده عادى ولا فيه مشكلة ؟


لكن لما اشتريت الجهاز المفروض انه بيبقى على ٥٠ والبائع مقاليش ان المفروض استنى يوصل ل صفر ف المية عشان اشحنه
ف اما جبته شحنته لحد ٩٥
بس بعدها استنيت لما فصل خالص وشحنته وهو مقفول

ف هل ده ممكن يكون السبب!؟

[MohammedAshraff]

لا لا هو الاحسن عشان تحافظي على البطاريه جدا اول ما يوصل ١٥ تشحنيه لحد ٨٥ بيطول فى عمر البطاريه اكتر