تم تفعيل خاصية volte

[مصطفى086]

خاصية volte اتفعلت لوحدها عندى على خط اورانج وكلمت فودافون يفعلوها قالوا انها متفعله مع انها مش ظاهره عندى وغلبت معاهم بصراحه حد عنده حل لفودافون 

[Anonymous]

عايز تجيب منهم الناهيه او تحرجهم بمعني اصح
روح الفرع ووريه الفرق بين الصورتين دول واحده لخط عليه الخدمه فعلآ والتانيه لسه ما تمش تسجيله علي الخدمه
هو ده الفرق بينهم واللي بيظهر الموقف الفعلي
لحالة الخدمه

[مصطفى086]

فعلا عندى اورانج تم التسجيل وفودافون لا

[Anonymous]

يبقي كده الشركة ما فعلتش الخدمه لسه
لما يقولوا لك ان الخدمه مفعله وريهم الحاله

[مصطفى086]

بعد ما عملت الشكوى فى الجهاز القومى لتنظيم الاتصالات لسه الخاصيه شغاله معايا حالا الحمدلله

[Anonymous]

طيب حلو 👍

[hanykhalaf]

لو سمحت عملت الشكوى ازاى

[مصطفى086]

كلمت شركة فودافون قالوا ان الخدمة شغاله مع انها مش ظاهرة حاولت افهم الموظفه الكلام ده تقولى مش شرط تظهر جنب الشبكه المهم قولتلها اعمليلى شكوى قالتلى مش هينفع اعمل شكوى والخدمة قدامى مفعله قولتلها شكرا واتصلت على رقم ١٥٥ وردت عليه موظفه شرحتلها الموضوع وقولتلها ان شركة فودافون رفضوا يعملوا شكوى والكلام ده كان على الساعه ١١ ونص الصبح كده ولقيت الخاصية اشتغلت على الساعه ٧ الا ربع مساءا

[hanykhalaf]

كلمت شركة اتصالات قالوا الخدمة غير مدعومة على تليفون s20. لا توجد فى لستة التليفونات المعدومة من قبل الشركة لتشغيل الخدمة بالرغم من التليفون يدعمها .فهل دا حقيقيى بالنسبة لشركة اتصالات

[مصطفى086]

كلم خدمة العملاء وقولهم عاوز اعمل شكوى ولو رفضوا كلم 155 واعمل شكوى هناك وهما هيشغلوها فى نفس اليوم حصل معايا كده

[Amira-elnagar]

joker00708

مساء الخير يا فندم مع حضرتك اميرة من سامسونج مصر
بنشكرك جدا علي طرح سؤالك ونتمنى لحضرتك يوم سعيد
بناء على سؤالك  

بنعتذرلك جدا

نستاذنك بالتواصل من خلال شبكة الاتصالات التابع اليها للتمكن من مساعدة

 ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك