تاتش سامسونج a20s بيهنج ويلمس لوحده

[Insertx2k]

انا زهقت والله الموبايل بتاعي نوعه سامسونج a20s وفيه مشكلة بقالها تقريبا سنة ان التاتش فيه ساعات بيتجمد وميرضاش يشتغل غير لما اقفل الشاشة وافتحها من تاني وساعات يفتح حاجات لوحده بنفسه كده من غير ما المسه، جربت غيرت له كذا اسكرينة وبمسح الشاشة باستمرار وجربت الفورمات ومافيش اي حاجة عايزه تنفع اعمل ايه؟

[Sara-nader]

صباح الخير يا فندم مع حضرتك ساره من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

أستأذنك فى عمل الخطوات الاتيه :

1-فتح الضبط 

2- الشاشه 

3- تفعيل حساسيه اللمس 

4- الغاء اللمس العرضى

ثم اعاده تشغيل الجهاز وتشغيل بصمه جديده 

ثم عمل اختبار البصمه الخاص بالجهاز  

1- الاتصال بكود *#0*#

2-نختار كلمه sensor

3-نختار finger print 

4- ضغط على normal test 

نتركها تعمل scan لو ظهر لحضرتك كلمه pass تبقى المشكله اتحلت

لو مازالت المشكله موجوده أستأذنك فى اتباع الخطوات الأتيه : 

1. استاذنك ادخال الكود التالي *#0*#

2. واختار اي لون من الالوان الظاهره Red & green & blue

3. فى حاله ظهور الالوان بصوره طبيعيه يبقى الجهاز يعمل بشكل طبيعى

4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه :

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

و

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و 

موجودين تحت أمرك وفى خدمتك فى أى وقت 

شكرا  لحضرتك ولوقتك

[Insertx2k]

حضرتك انا معنديش خيار "حساسية اللمس" في الشاشة في الضبط
وكود *#0*# مش بيشتغل

[Sara-nader]

صباح الخير يا فندم مع حضرتك ساره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى التوجه لاقرب مركز صيانه 

للتمكن من فحص الجهاز ومساعده حضرتك 

للتعرف على أقرب مركز صيانه خاص لحضرتك من خلال الرابط التالى : 

HTTP://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[emad20241]

مساء الخير حضرتك انا معايا تلفون ساسونج a20sوكل شويه بيهنج والشاشه تطفى وساعت كتير بيتقل وساعات بيطفى وبيجى علامه الساسمونج على الشاشه ومش بيرضى يفتح اى حلها بعد اذنك