بعد التحديث A70 الى السادة حاملى جهاز سامسونج

[Amsuna]

ارجو مشاركة تجربتكم بعد التحديث الحالى لشهر مايو

و لكن قبل ابداء اى شكوى تأكد من اجراء اعادة ضبط مصنع بعد التحديث.

و مراجعة الرابط اللى بالاسفل، فيه مجموعة من المشاكل اللى ظهرت، منها على سبيل المثال البصمة و الكاميرا، فياريت التأكد من  العيوب السابقة، زى مثلا تعمل اختبار للكاميرا و تختبر سخونية الجهاز فى حالة تشغيل برامج كثيرة او العاب، و هكذا.

مع ملحوظة مهمة، ان بالنسبة للناس اللى حدثت المرة اللى فاتت حتلاحظ ان التحديث الحالى ما هو الا عبارة فيكس للاندرويد ١٠ اللى خلاص تم تحديثة و ظهرت فيه العيوب اللى ذكرنا بعضها، و بالتالى التحديث ده اللى حيظهر لهم عبارة عن باتش  فيكس، يصلح العيوب. 

اما بالنسبة للناس اللى فاتها التحديث السابق و لسه لخد دلوقتى الاندرويد اللى شغال عندهم ٩،  حتلاحظو ان التحديث عبارة عن نسخة اندرويد ١٠ كاملة، من المنتظر انه يكون تم معالجتها و تصليح العيوب اللى ظهرت سابقا. 

تحديث الشهر اللى فات مختلف عن الشهر ده فى الاصدار و الحجم.

بالنسبة للناس اللى لسه التحديث لسه موصلهاش، فده عشان بتلرغم من انه نفس الموديل الا ان الاثدارات بتاعة الجهاز ده مختلفة، فان شاء الله متقلقوش حتظهر عندكم قريب.

و يمكنكم الرجوع  للشكاوى القديمة فى هذا الرابط

https://r2.community.samsung.com/t5/جالاكسى-A/اكتب-هنا-مشكلتك-بعد-التحديث-لأندرويد-١٠-Galaxy-A70/td-...

[Amsuna]

حتوصل ماتقلقش

[Amsuna]

@EGMoDy
التحديثات مختلفين فى الحجم و الاصدار
زى ما واضح فى الصور، للشهر اللى فات و للشهر ده

[FaresElhamayda]

ده غير ده خالص التانى تحديث أمنى

[Elessily]

انا موصلش عندي اي حاجه

[Amsuna]

حتوصل قريب ماتقلقش

[Ahmed_Essam]

معلش مفهتكش انا عايز افهم حاجه دلوقتي تلفوني A70 وحدثت للاسف لاندرويد 10 الشهر اللي فات وكان في مشاكل كتير ودلوقتي التحديث لسه نازل امبارح بس منزليش دا ليه

[Amsuna]

لان هو معاك خلاص، اللى حينزل الأشهر القادمة هو تحديثات و اصلاح و تعديلات النسخة ١٠

[Hosein7shm]

واجهت مشكله بصوت الالعاب مش واضح مثل قبل وتحديدا لعبة pubg

[Amsuna]

فعل خاصية
Dolby
حتعدل معاك الصوت ان شاءالله

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

وبنعتذر لحضرتك جدا على تأخير التحديث 

تم تاجيل التحديث الخاص بالجهاز وخليك متابعنا علشان تعرف موعد نزوله

هيتم اصداره قريبا جدا  أستأذن حضرتك فى تفعيل التحديث التلقائى وبمجرد صدوره على الاجهزه هيتم تحميله 

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك