بخصوص تحديث ONEUI 6

[jin-lee]

انا شايف ان احنا في وادي والشركه عايشه في ميه البطيخ....والناس اللي كلمت خدمه العملاء برضو مش وصلو لحاجه ...وفى عدم اهتمام مش ظريف وخصوصا ان مافيش توضيح رسمي صريح بخصوص التأخير والناس متضايقه وكلوا بيسأل بعض من غير اى اجابه واضحه وكأننا بنصبر نفسنا.....

انا عندي اقتراح ظريف الابليكشن بتاع samsung members ده ولا ليه اي لازمه وما فيش منه أي فايده وأعتقد كتير من الناس هتوافق علي الكلام ده....انا شايف اننا قوه كبيره ممكن نجبرهم انهم يحترمونا.....كل الناس تبقي ايد واحده وتشيل الابليكشن ده من التليفون او حتي أضعف الإيمان توقف التفاعل خالص ومحدش يستعمله...ده هيخلي الابليكشن مهجور مش عليه أي تفاعل...علشان يحسو بقيمتنا ويحترمونا.....ما تستهونش بقوتنا....خليك إيجابي 

[MA2022]

كلام مظبوط

[RamyELGammal]

في نقطه خلي بالك منها
ده مش تطبيق عليه اعلانات عشان يتم قياس مدي التفاعل عليه وبالتالي يحصل علي مزيد من الاعلانات
ولا هو حتي تطبيق او فكرته هدفه للربح من الاساس
التطبيق ده سامسونج معتبراه ميزة او خدمة للمستخدم زي باقي خدمات او تطبيقات سامسونج اللي بتحصل عليها لما تشتري هاتف لسامسونج
كون ان مستخدم مش عايز يستخدم اي من التطبيقات دي او الخدمات دي يبقي بالنسبالها وفر ضغط علي ااسيرفرات بتاعتها

مصدر ربح سامسونج من بيع الهواتف هو ده اللي لو تقدر عليه اعمله
ده اللي بيوجع يعني

[jin-lee]

ماشي انا موافق بس لو الميزه دى اهملتها...سامسونج برضو مش بتتهولك كده ..انا شايف ان مالوش اي لازمه وجوده زي عدمه المه ناخد خطوه

[ZiadSenior]

حضرتك بتتكلم أكن الشركة مصرية و تشيل البرنامج بالبساطة دي، إللي إنت شايفه قدامك مجرد سيرفر مصري و إللي عليه ده زي الاعلانات مجرد مستخدمين معندهمش دم


ثانيا حضرتك بتقول إن في تأخير علي تحديث one ui 6 ؟

تأخير أيه ؟ هو موديل تليفونك ايه؟

[jin-lee]

a72

[Moaz_Saber]

و انا M51 ولحد دلوقتي منزلش Android 13 عندي مع ان في اجهزه اضعف نزلها التحديث ده 😶

[ZiadSenior]

هو مش بضعف أو قوة الجهاز، هو بالجيل

تليفونك آخره كده لإنه جيل قديم شويه (2020) و مش هينزله أي تحديث رسمي تاني

[ZiadSenior]

ال 72 جيل قديم حبه فبيتأخر حبه علي أساس ان سامسونج بتددي الاولويه للاجيال الاجدد