الروم الهندي والتحديثات

[ZYAIDTAREK]

هل التحديث one ui 6 لموبايل A72 وصا لدولة غير روسيا

وهل فعلاً هستفيد بشكل عام لو غيرت الروم للروم الهندي؟

+ لو فعلاً غيرت فهل هتتمنع التحديثات من انها تنزل وهضطر انزلها يدوي؟

[Mohamed-Elsayed]

انا A72
كنت روم هندي ونزلت الروسي من يوم الجمعه اللي فاتت ومفيش اي فرق ف الاداء اطلاقاً - المشكلة الوحيده معايا ان مفيش تسجيل مكالمات
غير كده كله فل فل فل
التحديثات مش هتتمنع ولا حاجه
انا اصلا كنت روم مصري وغيرت لهندي وحاليا روسي وبستقبل تحديثات عادي جدا بس غيرته لروسي عشان التحديث اتأخر جدا وكان عندي فضول اجربه قبل ما شغفي يختفي كعادة سامسونج معايا 😂
ف انت لو مش مهتم لنقطه تسجيل المكالمات نزل الروم الروسي وعيييييش بدون اي قلق نهائي

[ZYAIDTAREK]

انا حاسس اني بعد ما اغير الروم بساعة هينزل التحديث😃

[Mohamed-Elsayed]

بص ؛ هو انت كده كده هتعمل ضبط مصنع حتى لو نزلك رسمي
ف انت من دلوقتي اعمل نسخه احتياطية من تليفونك ببرنامج سمارت سويتش على لاب او كمبيوتر ونزل نسخه الروم الروسي واعمل ضبط مصنع بعد ما تنزلها وبعدين رجع بياناتك من سمارت سويتش تاني
هتلاقي التليفون فاق معاه فوقه ليها العجب وهتدعيلي ان شاء الله

[elboo1]

نزلت الروم الروسي ازاي

[mohamedAwad000]

ليه لازم ضبط مصنع ممكن توضيح
انا جهازى A72

[Mohamed-Elsayed]

عشان تضمن ان اي ملفات تخص النظام القديم اتحذفت وميحصلش معاك اي اخطاء

[mohamedAwad000]

الضبط قبل ولا بعد التحديث

[Mohamed-Elsayed]

بعد التحديث - عشان اي ملفات للنظام القديم تتحذف

[mohamedAwad000]

جايز ربنا ييسر
بس هو يوصل الاول