لكل اللي بيدور على حل لمشكلة ضعف الصوت للطرف التاني اثناء المكالمات في سلسلة نوت ٩ .. دي تجربتي .
اولا هتختبر المايك و له ٣ طرق .
١ - من خلال كود *#0*# و تختار loop
٢ - من خلال برنامج samsung members و عمل check mic
٣ - تسجيل اي مقطع صوتي من خلال ال recorder
لو لقيت من خلال ال ٣ محاولات في صوت بيتسجل من خلال المايك و لكن بيكون ضعيف و لازم تزعق بصوت عالي قدام فاتحة المايك ..
بنسبة كبيرة المشكلة هي وجود رواسب في فتحة المايك و محتاجة تنظيف و السبب ان تصميم المايك معمول بجوان كاوتش قدام المايك لعدم دخول الماء ليه و مع الوقت بيتراكم عليه رواسب غبار تراب و يتسد .
مع التنظيف المناسب باذن الله المشكلة هتتحل و غالبا لازم يتنظف من الداخل يعني لازم الموبايل يتفتح .
الاحتمال التاني ..
انك بعد تسجيل صوتك و بيكون واضح جدا بدون اي مشاكل ،
الاول تجرب تفتح السبيكر و بعدين تقفله اثناء مكالمة و تشوف لو رجع اشتغل عادي تعمل الاتي .. هنا هتدخل ف اعدادات Bixby و توقف الاستجابة للصوت عن طريق المايك من اوبشن voice wake up.
و ترستر الموبايل و تجرب المكالمات .
لو لسه زي مهو ..
تجرب تلغي Google assistant
لو فضل زي مهو ..
تدخل على ابلكيشن phone و تمسح الكاش بتاعه و ترستر الموبايل .
..
دي خلاصة مشاكل المايك و انا مريت بكل المشاكل دي ف اوقات و اوضاع مختلفه و كل مره كان حل المشكلة بطريقة مختلفه .. اخرها كان تنظيف المايك من الرواسب .
ضروري تمشي مع حل المشكلة بتسلسل و ربنا يسامح الشركة اللي بيبقى عندها مشاكل ف مودل محدد و عند اغلب المستخدمين و مش بتحلها !
