Samsung note20 ultra

[farh3]

غيرت البطارية في الضمان من اسبوع و ساعة ما غيرتها و بيقولى البطارية ضعيفة في الكشف عليها في هذا التطبيق 

 و كلمت خدمة العملاء و لا عملوا اى حاجة نهائي 

اعمل ايه دلوقتى و انا سفرت يعنى مش هينفع ارجع تانى لنفس مركز الصيانة 

و ليه البطارية ضعيفة بعد التغير 

و البطارية مش بتقعد ٣ ساعات على بعض 

و صلت البطارية لصفر و شحنتها تانى كذا مرة و بردو البطارية ضعيفة 

[FarisKeilani]

دي مشكلة في التطبيق كل إللي غير البطارية سواء في التوكيل أو في محل بتظهرله يعني عادي مفيش مشكلة في هاتفك أو البطارية

[getso]

بس هو بيقول مش بتقعد ٣ ساعات

[FarisKeilani]

البطارية زي كده متحكمش عليها من أول أسبوع لأنها لسه بتتعرف على نمط الإستخدام

[getso]

يا استاذ التعرف ده من نظام التلفون مش من البطاريه 😊

[FarisKeilani]

يا أستاذ أحنا بنتكلم هنا على البطارية مش النظام لو على النظام لما بتشتري هاتف جديد من تالت يوم النظام بيتعرف على البطارية وبتلاقي في العناية بالجهاز جايبلك الوقت إللي حتقعده البطارية ولو عملت إعادة ضبط المصنع من تالت يوم النظام بيتعرف على البطارية لكن ده مش معناه إنه البطارية عرفت نمط الإستخدام أو بمعنى أصح البطارية لم تصل إلى أقصى طاقتها لما بتشتري هاتف جديد أو بتغير بطارية بتحتاج أسبوع وإثنين وثلاثة أحيانا عشان تلاحظ إنه البطارية وصلت لأقصى طاقتها وشغالة طبيعي زي إللي قبلها

[farh3]

تمام من رأي حضرتك اعمل اعادة ضبط المصنع و لا انتظر ل ٣ اسابيع

[FarisKeilani]

الأفضل تعمل الإتنين

[FarisKeilani]

نصائح لتحسين أداء البطارية الجديدة:
* اترك البطارية تُفرغ تمامًا ثم اشحنها بالكامل عدة مرات في الأيام الأولى.
* راقب استخدام البطارية في إعدادات الهاتف لتحديد التطبيقات أو العمليات التي تستهلك الكثير من الطاقة.
* أغلق التطبيقات التي لا تستخدمها لمنعها من العمل في الخلفية.
* قلل سطوع الشاشة واستخدم الوضع الداكن إذا كان متاحًا.
* عطّل الواي فاي والبلوتوث وخدمات الموقع عندما لا تكون قيد الاستخدام.
* تأكد من أن هاتفك وتطبيقاتك محدثة إلى أحدث الإصدارات.
إذا استمرت مشكلة ضعف البطارية بعد تجربة هذه النصائح، فمن المستحسن التواصل مع فني متخصص لفحص البطارية والهاتف.

[farh3]

بعمل كدة صدقنى بس البطارية بتخلص بسرعة جدا