سؤال

[EmaMoh]

هل فيه فرق يستحق الترقيه بخلاف الكاميرا من نوت ١٠ بلس للنوت ٢٠ الترا؟

[Tamer260]

اعمل مقارنة بين الجهازين على جى اس ارينا وتعرف الفرق بينهم
https://m.gsmarena.com/

[EmaMoh]

شكرا

[Kareeeeem]

هو اكيد فيه فروق مش فرق واحد لكن في رأئي الشخصي انك تستني النوت الجديد ان شاء الله هيكون يستحق تغير و أنت مطمن و هتحس بفرق عظيم بين الاتنين.

[EmaMoh]

تفتكر هيكون فيه نوت تاني بعد حركه الاس الاخير؟

[Kareeeeem]

دي تجربة فاشلة جدا و مينفعش تكرر تاني.
سلسلة النوت لا غني عنها لناس كتير و أنا منهم و ان انهوها ف أبل اولي بينا.
عامة كله هيبان خلال الشهرين الجايين ان شاء الله و اعتقد هي مجرد إشاعة مش اكتر.

[EmaMoh]

اتفق معاك تماما
وان كانت ابل كمان سايقه العوج وشالت سوكت الشاحن والشاحن كله من الفون الجديد

[Kareeeeem]

سامسونج هتعمل ده قريب برده
حتي الموبايل الحديد مفيش معاه شاحن و بتشتريه لوحده و غالبا الكل ماشي في سكة شحن وايرلس
عامة ان التليفون هيجيب سعره كويس ان اتباع و تكمل للنوت الجديد ف علي البركة بس كالعادة لازم يكون نسخة سنابدراجوان مش اكسينوس

[EmaMoh]

سناب دراجون يعني لازم ييجي من بره
بس اعتقد قالوا هيحسنوا في اكسينوس عشان يتباع هنا

[Kareeeeem]

هو طبقا للريفوهات الحالية ف اكسينوس اتحسن فعلا في الاس ٢١ و فئاته بالفعل لكن موصلش مثلا لقيمة سنابدراجوان ٨٨٨ الجديد الي برده متاح في ال اس ٢١ لكن مناطق معينة
ايوه النوت سنابدراجوان بيجي من برا لكنه متاح هنا لكن بضمان البائع مش لازم حد يشتريه ليك من برا يعني اقصد
موجود علي سوق كوم و في السراج مول و فيه مناطق كتير و واقعيا فرق السعر جوالي الف جنيه او الف ونص مش اكتر