اللي معاهم جوالات الفولد

[الشريف١]

هل قابلتكم مشكلة مع الشاشة الداخلية انها تخرب ؟ 

لان خربت معايا مره والثانيه وفي المره الثالثة الصيانه يقولو خارج الضمان مع ان الجوال لا طاح ولا شي ، فجأه الشاشة الداخلية تعلق وما تشتغل .

صراحة الجوال بطل ومميزاته قويه لكن بعد اللي صار نصيحة لا احد يشتريه كلها سنة وشاشته تخرب معاك ويقولك خارج الضمان ، خليك في النوت ، سامسونج ما سوت قبله ولا بعده جوال الحقيقة .

[الشريف١]

اللي اشتكى عليهم وزارة التجارة وانصفوه يعطينا خبرته في الموضوع

[momo1489]

اشتكيهم على وزارة التجارة وبيعطونك حقك الجهاز جدا غالي

[كاريزماتي]

اشوى ما شريته لا هو ولا الفلب

الفلب توي قريت تعليق تويتر انه البطارية تخلص بسرعه و شحن مرتين ٣ باليوم

[الشريف١]

لا تقرب عليهم نصيحه

[كاريزماتي]

ايه اصلا كنت متردد حيل أخذهم توهم مابعد تنضج 😂 😂 😂🫂🫂🫂🫂 لا جد مايصلح الحين

[كاريزماتي]

والله كنت بتهور واخذ الفلب لكن هجدت وشفت تعليق واحد في تويتر عند سعودي اندرويد يشتكي من البطارية ضعيفه وشحن مرتين الى ثلاث باليوم انحش

[s23Sam]

الله يعينك مازال الجهاز لم ينضج ومكلف وغير عملي انصح الجميع الانتظار سنتين او ثلاث سنوات الى ان تصبح التقنيه عمليه وغير مكلفه

[كاريزماتي]

صح تنخفض التكلفة بعد ٣ او ٤ سنوات من اطلاقها

[كاريزماتي]

فولد ٢ ؟ او ٣