Review A36
لو هيساعد حد🌸 الفون معايا بقاله شهر تقريباً *سريع + مسكته شيك أوي - اللون الأسود تحفة *محستش مشكلة في التقفيل ولا الخامة مع أنه تقفيل مصري بس ياريت يتجاب من مكان موثوق *بالنسبة للشبكة فهي حلوة جداً (أنا في مكان الشبكة فيه قوية) بس كدة كدة من Setting ممكن يتظبط انه يتحول 2G لو شبكة 5G ضعيفة *بالنسبة للبطارية بتعد معايا بين اليوم واليوم ونص أستخدامي Apps عادي مبحبش الألعاب فمجربتش وعاملة الحاجات اللي تحافظلي ع البطارية (وكمان البطارية تكيفية أول يومين بتستهلك أكتر وبعدين بتظبط نفسها علي أستخدامك) *بالنسبة للسخونية مسخنش مني خالص إلا مع الساوند كلاود وكنت مفعلة Dolby Atmos سخن من عند الكاميرا بس وبيبرد بسرعة ومتهيألي دة طبيعي مع أي موبايل glass back *البصمة أول يومين كانت فظيعة أوي وبتلقط من طرف الصوابع بس مع تفعيل زيادة حساسية اللمس وتقريباً intelligenc اللي في الموبايل ظبطت وكويسة الحمدلله وجربت أني أفتح الموب ببصمة حد تاني غيري مفتحش زي ما بيتقال *الكاميرا أنا شيفاها لطيفة بس يتعملها أعدادات كويسة *الموب فيه مميزات وحاجات كل لما هتدور فيه هتطلع حاجة حلوة *الحاجات اللي محافظة بيها ع البطارية.. الشحن بشاحن 25 مش 45 وات مبشحنش الموب إلا لو وصل 15٪ وميتسابش لحد ما يوصل 0٪ مبشتغلش ع الموب وهو في الشاحن الشحن السريع عند اللزوم الشديدة بس ما أستني ساعتين عادي😂 ظبط الأعدادات أن الشحن يشحن لحد80٪ أو 90 أو 95٪ بأقصي حاجة برضه أول ما الموبايل يكمل الشحن بشيله *الحاجات اللي بحافظ بيها ع الشاشة من التطبيع الوضع داكن وممكن تفعيل Extra dim أو الخفت الأضافي مبثبتش ع أبليكيشن واحد فترة طويلة أوي والأضاءة عالية أوي منعليش الأضاءة أوڤر و دة عشان عينينا اللي هي أهم يعني😄 الموب ميستخدمش تحت شمس زايدة أوي *عشان نحافظ ع الموبايل نفسه بقي🤩 جراب ياريت سليكون طري أو مبطن وفيه صفحات بتعمله وسكرينة شاشة حلوة ويفضل لو Camera protector وبرضه منوقعوش يعني مش لازم نختبره كل شوية عشان هو مش أسمنت الممتاز😄
