M31

[Medhat2]

التليفون ده طلع مقلب 

ايه كمية الحاجات اللي مش موجودة دي كلها

[Anonymous · Accepted solution]

بص يا باشا ممكن تمسح كل الكاش والداتا بتاع كل التطبيقات او تشيلهم وتنزلهم تاني بس انا مش بفضل كده وطبعآ استعادة ضبط المصنع هي الاصح والافضل بدون جدال وبالذات بعد تحديث للاندرويد نفسه

[Medhat2]

 هل في فرق بين استعادة الضبط من داخل الهاتف ومن خارجه لاني مش فاكر كلمة سر الحساب  

[Anonymous · Accepted solution]

مفيش اي فرق بينهم اللي ده بيعمله التاني زيه بالضبط
وفي الحالتين هيطلب منك كلمة المرور الفرق في توقيت طلبه فقط
هو حساب جوجل ولا سامسونح ؟

[Medhat2]

حساب جوجل للأسف

[Anonymous · Accepted solution]

انت رابط علي الحساب ايه
عنوان ايميل تاني فاكر كلمة السر بتاعته
ولا رقم تليفون
ولا مفيش ؟

[Medhat2]

كنت ضايف رقم هاتف محمول وقت انشاء الحساب وبعتولي عليه مره رسالة تأكيد كان فيها ارقام بس الرسالة مش موجوده حاليآ

[Anonymous · Accepted solution]

ده كده هايل
ومفيش احتياج للرسالة دي حاليآ تاني
ادخل من الضبط علي جوجل ثم ادارة حساب جوجل ثم الامان
هتلاقي امكانية تغيير الباسورد اضغط عليها هيحولك لشاشة لادخال الباسورد الحالي اضغط علي نسيت كلمة المرور هيحولك لشاشة للتأكد ان انت اللي طالب تغيره وهيظهر فيها جزء من رقم الهاتف اللي كنت ضايفه اختاره وكمل معاه مش فاكر هيبعتلك رسالة مباشرتآ ولا هيطلب منك ادخال اخر ٤ ارقام من الرقم ده في الحالتين هتكون سهله بالنسبالك تكمل من هنا بأستخدام رسالة جوحل هتقدر تعمل باسورد جديد

[Medhat2]

جزيل الشكر لتعبك

معلش محتاج اعرف كمان بعد ما اعمل استعادة الضبط ارجع تاني كل التطبيقات ولا استني لغاية ما يغيروها عشان المشاكل الموجوده تكون اتحلت الاول ؟

[Anonymous · Accepted solution]

عفوآ
قبل ما تفرمط خد نسخة من الاسماء والكاليندر عن طريق المزامنه لحساب جوجل
ولو بتستخدم سامسونج نوت او سامسونج انترنت خد منهم برده نسخة بالمزامنه علي حساب سامسونج
الرسائل النصية ممكن باك اب ليها من علي سامسونج كلاود
رسائل الواتس برده باك اب للشات من الواتس نفسه
الماسنجر رسايله بترجع تاني
لو بستخدم برامج تانيه للتراسل دور برده علي مزامنه او باك اب للرسايل من جوه التطبيقات

[Anonymous · Accepted solution]

الملفات بتاعتك اللي في ملفاتي انقلها كلها علي كارت ميمورى او فلاشه بأستخدام وصله او حتي انقلهم علي كمبيوتر بأستخدام كابل التليفون عشان كل ده هيتم مسحه وتبقي مافيش حاجه راحت منك بسبب استعادة الضبط