عايز احكي شوية عني تجربتي مع الهاتف الجميل دا وكعادة سامسونج المتألقة... اكتر ما يميزه هو البطارية العملاقة القوية ومننساش الكاميرات القوية جدا جدا وبتطلع صور منافسة لفئات الفلاج شيب! دا غير كبر حجم الشاشة ودقتها القوية والوضع المظلم مع واجهة 2.5 الجديدة ممتازة جدا والاداء بقي سلس اكتر الصراحة بستمتع جدا جدا بالتجربة وعمري ما هندم علي اختيار سامسونج ❤🌸
اما عن العيوب اللي لاحظتها وهي الاداء في بابجي لما بلعب علي HD و High الاداء بيهنج خالص خصوصا مع تحديث بابجي الجديد لكن ادائها في العادي سلس جدا وممتاز.
البصمه لو ايدك عرقانه مش هتشتغل نهاااائي ولازم تمسح مكانها هي ميزة وعيب : ميزة ف ان دا بيوضح لك مدي الامان اللي بيتأكد من انه انت المستخدم وكده وعيب في انك لو عايز تفتح ضروري وبسرعة لازم يوقفك.
معنديش ملاحظات تانية عموما الهاتف ممتاز جدا جدا وتجربتي معاه ممتعه جدا وحقيقي حقيقي حقيقي بتمني من كل قلبي اني اجرب نسخة S20 FE حرفيا دي نسخة احلامي لكن مواردي المالية لا تسمح بس اول ما تسنح لي الفرصة هجيبه طبعا.
اي حد عنده اي تعليق نتناقش او ندردش فيه معنديش اي مشكلة ومساءكم زي العسل❤
مساء الخير يا فندم. مع حضرتك اميرة من سامسونج مصر بنشكرك جدا علي تواصللك معنا و سعداء جدا براي حضرتك و تاكد ان سامسونج تعمل علي تحسين و تطوير مستوي الخدمة لارضاء جميع عملائها
و نكون دايما عند حسن ظن حضرتك هتلاقينا موجودين تحت أمرك فى أى وقت شكرا لحضرتك و لوقتك
