دا عبارة عن اذن بيطلبه اي برنامج جديد يتم تحميله و الاذن دا بيديكي الحق في التحكم بالاشياء الي يقدر البرنامج الوصول اليها زي تشغيل الميكروفون مثلا تلقائيا مع استخدام البرنامج او الوصول لجهات الاتصال الي هي أرقام التليفونات الي على الموبايل
المفروض بقى انك تدي الاذن الي انتي محتاجها فقط للبرنامج للحفاظ على الخصوصية
ما هوا مكنش بيعمل كدا لسببين يا اما هوا كان واخد الاذون دي بشكل مسبق او كان الموبايل لسا منزلوش السوفت وير الجديد الي نزلت معااه الخاصية دي
و صدقيني دي حاجة مفيدة جدا عشان انتي الي تتحكمي في اذون كل برنامج لان للأسف في برامج لهكر ممكن تخترق خصوصية تليفونك و تحصل على معلومات و صور و خلافة و دا شئ غير آمن لأي مستخدم كل الي عليكي انك كل ما نتزلي برنامج او تعيدي تثبيته من جديد بعد الفرمتة تختاري ايه الاشياء الي هتسمحي للبرنامج بالدخول عليها
و النصيحة التانية الي هقولهالك انك اتأكدي من البرامج الي بتنزليها على جهازك انها تكون واخدة تقيم عالي و عدد التنزيلات عالي عشان في برامج خبيثة بتستغل الصور و المعلومات من موبايل المستخدم لأغراض كتير اقلها ضررا انها تقعد تبعتلك اعلانات كتير و بشكل مستفز عن اي شيء تبحثي عنه او حتى اتكلمتي عنه و النت شغال و بالتالي الميكرفون شغال انا طولت في الشرح عشان بجد دي حاجة مهمه جدا جدا للحفاظ على خصوصية المعلومات الشخصية و الي ناس كتير مش ليهم خبرة بتفوت عليهم
مساء الخير يا فندم . مع حضرتك اميرة من سامسونج مصر
بنشكرك جدا علي طرح سؤالك
بناءا علي استفسارك ممكن اتباع الخطوات التالية للتمكن من مساعدة حضرتك
يرجى اعادة ضبط المصنع للجهاز. الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل. قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
