في ناس كتير تقول ما تشحنش البطاريه لحد ١٠٠% عشان هاتتحسب دورة شحن كاملة وان البطاريه ليها عدد من الدورات الكامله دي بتتراوح من ٤٠٠ الي ٥٠٠ بعديها البطاريه مش هتقبل شحن او هتبوظ الي اخره .....
والكلام ده غلط خالص
يعني انا لو قعدت ١٠ سنين اشحن بطارية لحد ٨٠ او ٩٠% هتفضل شغاله وابقي كده ضحكت عليهم وموصلتهاش الي ١٠٠%
اصل الموضوع بتاع دورة الشحن اللي الناس ما دورتش ورا معناه وبيستخدموا المعلومه غلط هو مش الملي لحد ١٠٠% هو العكس هو استهلاك وتفضية قدرة البطارية الكاملة
بمعني لو حضرتك شحنت ٨٠ % من البطارية وبعدين استخدمتها لحد ما وصلت ٢٠% يبقي انت كده استخدمت ٦٠% من قدرتها الكاملة ورجعت شحنت لحد ٩٠% مثلآ او اي رقم اول ما الرقم ده ينزل ٤٠% منه علي ال ٦٠ الاوله تبقي دي كده دورة شحن كامله وملهاش علاقة خالص بموضوع انك لو شحنتها الي ١٠٠% تبقي عدت معاك دورة .
دورة الشحن للبطاريه هو استهلاك ١٠٠% من قدرتها بغض النظر بتشحن من كام لكام .
يعني الموضوع مش فارق وكده كده هتجيبهم ٤٠ في ٤٠ في ٢٠ او ٦٠ في ٤٠ او ٥٠ في ٥٠ طبعآ ده استهلاك
طبعآ الكل عارف ويكيبيديا وعارف برده ابل .....
