كل مرة اسكر ميزة Always On Display علشان مال امها فايدة. انا استخدمها (اذا استخدمتها) رح يكون اني اضغط ضغطة واحدة على الشاشة ولكن سامسونج شركة الحمير كل شوية ألقاها شغالة لحالها بدون اي سبب. مثلا ذلحين دخلت اتروح طلعت الا وسبحان الله الميزة الجني فتحها ومعاه كمان بصمتي علشان يفتح الجوال. ايش الغباء ذا؟ مستحيل شي زي ذا يصير وانا ايش بستفاد اذا خليتها بس تمص في البطارية بدون فايدة؟؟ يمديني اضغط الشاشة مرتين وافتحها اشوف الوقت اذا كنت ادرس او اشتغل بعدين اسكرها ثاني. هذي الطريقة أسرع وأقل استهلاكا للبطارية. سامسونج ايش تبغا مني علشان ما عادت تفعلها بدون اي سبب؟ تبغوا فلوس؟ جهازي جديد ايش تبغوا؟ تبغوني اعرف ان عندكم الميزة من زمان ومن قبل ابل وما أحول لايفون؟ انا من أشد محبين سامسونج ومتحمس جدا للساعة الجاية (watch 😎 واتمنى يكون فيها (rotating bezel) علشان شكله فخم ويحمي الشاشة وعملي أكثر. انا مستحيل اغير لايفون واصلا كل اجهزتي سامسونج ليه بغير؟؟؟؟؟؟ لو سمحت لو احد عنده فكرة ليه ذا الشي يصير معي يقولي لو سمحت. انا بس انفعلت شوية علشان شي غبي مرة اني اقفل الميزة علشان ما ابغا استعملها تقوم تشتغل من نفسها بعد كم يوم وفي أقصى الحدود أسبوع ونصف.
