رسائل العروض اللي بتيجي من شركات الاتصال وبتخلي الشاشة تفضل منورة ساعات طول الليل بتتلغي المفروض زي باقي العالم من التطبيق اللي عندنا بتاع الشريحه واسمها رسائل فلاش عادي جدآ انك بتعملها ايقاف او تشغيل من المكان ده وكالعادة الاختيار ده شايلينه زي حاجات تانيه كتير .
ولما بتكلم خدمة العملاء تتخانق معاهم وتصادف ان اللي رد عليك بيفهم بيوقفوها فترة وترجع تاني والموضوع حصل معايا كنير تقف وترجع تاني .
لاقيت حل عامله من ٣ ايام ومجتليش بالشكل المقرف ده بتجيلي رساله عادية في صندوق الوارد بالعرض انما الفلاش مجاش علي شاشة القفل وخلاها تنور لغاية ما اضغط علي الغاء .
مش قادر اجزم ان ده حل نهائى غير لما تفوت فترة اطول بس ممكن تجربوا معايه ونشوف في عدد تليفونات اكتر النتيجه ايه .
من الضبط ثم التطبيقات ثم تطبيق الشريحه اللي هو الوسيله الوحيده لوصول هذة الرسائل للتليفون ثم التنبيهات ثم غلق انها تظهر علي شكل بوب اب واختيار عدم اظهار تنبيه في شاشة القفل . ويبقي كده مدام مش قادربن نلغي الخدمه يبقي نلغيلهم التنبيه بتاع شاشة القفل وهو ده المزعج كان في الموضوع .
وان شالله يكون ده حل نهائي للمشكلة دي .
