إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

تجربتي مع الروم الهندي لاندرويد ١٢ لهاتف M51

(أُنشأ الموضوع في: 05-21-2022 11:44 PM)
KarimMohammed
Active Level 7
خيارات
اخرى
حابب انقل لكم تجربتي مع الروم الهندي وتحديث One UI 4.1 android 12 
طبعا لهاتف M51
 
في التجربة هتكلم عن حاجتين أساسيتين وهما المميزات والعيوب في كل روم منهم ( الروم المصري و الروم الهندي )

خليني الاول اتكلم عن الروم المصري اللي كنت عليه وطبعا ناس كتيرة دلوقتي عليه اللي هو اندرويد ١١ وواجهة 3.1 core ، باختصار شديد الموبايل من اول ما جبته وكنت بعاني من مشكلة ضعف الشبكات وضعف الواي فاي و أداء البطارية كان مقبول دا غير تهييس الاشعارات والتطبيقات احيانا ومشكلة التحديثات,

👈👈اذا يبقي عيوب السوفت المصري كالاتي :

* تهييس في الاشعارات وتهنيج خصوصا في التحديث الاخير 
* ضعف الشبكات 
* ضعف مدي الواي فاي 
* أداء البطارية مقبولة بحد أقصي ١١ ساعة اسكرين اون شغل طبيعي ، و ٧ ساعات اسكرين اون تحت ضغط الشغل .
* تاخير في استقبال التحديثات ( مصر اخر ناس في الدول ) ودي مشكلة كله بيعاني منها في مصر مع السوفت المصري .
* تهنيج احيانا في النظام مع الاستخدام المكثف 
* مافيش المجلد الأمن حتي مع التحديث اندرويد ال ١٢ المصري اللي هيوصله قريب .
* واخيرا سخونة الهاتف بشكل غير طبيعي تحت الضغط ..
دي بالنسبة لمشاكل M51 مع اندرويد ١١ وواجهة 3.1 core بالروم المصري 
وطبعا التحديث الجديد هيوصل له الشهر القادم وياعالم المشاكل فيه هتبقي ازاي ( الله اعلم ) بس نصيحة انفت بجلدك واهرب للهندي ..

$$$$$$$$$$$$$$$$$$$$$$$$$$$$$$
نيجي بقي للعظمة الروم الهندي👉👉👉👉❤️❤️
أنا كنت ع المصري الاول وبعاني من المشاكل اللي ذكرتها فوق لحد ما لاقيت الحل مع استاذ رامي❤️❤️
في الاول أنا كنت متردد جدا جدا اني انقل من المصري الهندي وكنت خايف من المخاطر واني ابوظ التليفون وكلام من دا لحد ما نصحني شخص يعتبر بمثابة اخ غالي ليا ربنا يديله الصحة 
👈👈👈استاذ رامي الجمال 
واخيرا سمعت كلامه ونزلت الروم بنفس الطريق اللي قال عليهاا في البوست الاخير بتاعه وحولت للروم الهندي اخيرا 
اول ماحولت كنت منزل آخر فريم وير هندي كان اندرويد ١١ ولاقيت وصلني تحديث هوائي علي طول لاندروايد ١٢ 
حجمه ٢.٤ جيجا كبير ، وعملته وفرمطت بعده ..
ايه اللي حصل وايه الجديد وايه اللي شفته ؟؟؟!!😐😐
قسما بالله أنا حرفيا يعتبر ماسك موبايل تاني خالص جديد جديد من كل حاجة بسم الله ماشاء الله لا قوة الا بالله

وعشان مطولش عليكم هتكلم عن المميزات بقي :❤️❤️👉👉

* السوفت نفسه نازل قوي ثابت ومعاه اضافات كتير من ضمنهم المجلد الأمن و ال VPN و سامسونج باي 

* قوة استقبال شبكات الموبايل 

* تحسين واضح في استقبال الواي فاي افضل مليون مرة من اللي كان قبل كدة في الروم المصري 

* تحسين عمر البطارية وخصوصا مع الاوبشن الجديد فيها 
Adaptive battery ودي اللي اللي بتحجم البرامج اللي ملهاش لازمة في الخلفية وشغالة بدون علمك عشان تحافظ لك علي البطارية 

image


 البطارية تدوم شغل طبيعي الي ١٥ ساعة اسكرين اون و ١١ ساعة تحت ضغط شديد👉👉👉

لاحظ في الصورة التالية البطارية ٥٤٪ ، والاسكرين اون ٧ ساعات
كله بالصور وبالدليل عشان محدش يقول اني ببالغ ..
 
image

* الرام بلس لتحسين اداء الجهاز بالكامل 

image


* مافيش حاجة اسمها تهييس هتشوفه لا في النظام ولا في التطبيقات 
بس في النقطة دي بلاش وانت بتسترجع البيانات بعد الفورمات أو بعد تنزيل الروم بلاش بلاش تنزل اعداداتك السابقة اللي كنت عاملها في الروم المصري ( أنت المفروض علي سوفت جديد خليه كله جديد في جديد وفريش وتقدر تسترجع فقط رسائل الواتس والهاتف والاسماء والصور والفيديوهات فقط لا غير ، ومرة تانية بلاش ترجع ضبط الاعدادات السابقة )

* تحسين جودة الصوت والكاميرا انضاف فيها اوبشن عزل الصور و تعديل الصور اللي فيها مشاكل وتوضيحها .

ملحوظة مهمة : الروم يدعم العربية 

$$$$$$$$$$$$$$$$$$$$$$$$$
العيب الوحيد في الروم الهندي هو أنه مافيش برنامج Good lock 
للاسف مش موجودة ودا لان التليفون دا نازل core في جميع أنحاء العالم وال core متشال منه البرنامج دا بكل مميزاته ..


وبكدة اتمني يكون وضحت للناس كلها التجربة وانصح بيها اي حد صدقني مش هتندم ابدا وتوكل على الله 

دا شرح تنزيل الرومات



وشكر خاص للاستاذ رامي الجمال❤️❤️❤️



وتحت امر اي حد في أي استفسار❤️❤️❤️



51 التعليقات
MahmoudYousry
Active Level 9
خيارات
اخرى
الف مبروك يا عم 😀
وابسط اهوا وضيف علي كدة ان المفروض في ميزة في ال device care بتعمل مسح للcache كل فترة محددة ابقا استخدمها
KarimMohammed
Active Level 7
خيارات
اخرى
الله يبارك فيك
اه فعلا الميزتين دول نسيت اذكرهم بس البركة فيك بقي 😂
MahmoudYousry
Active Level 9
خيارات
اخرى
حبيبي ❤️
واة صح اي الاخبار لسة ناوي تحول لios😂
KarimMohammed
Active Level 7
خيارات
اخرى
هو كدة كدة أن شاء الله جاي برضو 🤣
MahmoudYousry
Active Level 9
خيارات
اخرى
وداعا لل 730g
واهلا بال A14 bionic 🤣
KarimMohammed
Active Level 7
خيارات
اخرى
اقوي معالجات ابل
دا البوست بتاعي القادم 😂😂😂😂😂
MahmoudHamed
Active Level 8
خيارات
اخرى
سؤال في الجون
MahmoudYousry
Active Level 9
خيارات
اخرى
هدف ولكن في مرمانا😂
samsungmena
Global Community Manager
Global Community Manager
خيارات
اخرى

KarimMohammed



صباح الخير يا فندم مع حضرتك زهره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

برجاء التوضيح إذا كان لديك أستفسار او مشكلة للتمكن من كامل الدعم و المساعدة

 

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك