تأخر وصول Android 12 لجهاز S21 ultra

[MahmoudOkealy]

تخيلوا ان خدمة عملاء سامسونج اتصلت بيا وردت على سؤالى عن سبب تأخير اندرويد 12 لجهازى ان التحديث لسه موصلش لحد اصلا وان جهازى ضمان دولى ومش هيوصلنى التحديث داخل مصر ولو عاوز التحديث ابعت الجهاز التوكيل وادفع تكاليف نزول السوفت

مش عارف استغرب من جهل موظفى خدمة العملاء

ولا اشتكى من سوء الخدمة ولا اقول ايه

ولا العيب فيا انا انى بقارن ابل بسامسونج

تجربة سيئة للغاية وندمت انى سبت ابل واشتريت سامسونج

[RamyELGammal]

انت ايه اللي موجود عندك في حول الهاتف معلومات عن السوفتوير خانة مزود الخدمة
Service provider
ايه الاختصارات اللي مكتوبة فيها ؟

[MahmoudOkealy]

TGY
Hong Kong

[RamyELGammal]

طب هو علي الوضع ده فعلآ مش هيوصلك اي تحديث هوائي لانه شايف التليفون في هونج كونح
بص فرمط التليفون والشريحة المصرى جواه وكمل خطوات تثبيت الاندرويد الاولي من نت الخط دي اول محاولة وممكن يجيب معاك بعد كده التحديثات الهوائية عادي
ان ماكانش برده تقدر تنزل السوفت المصرى بنفسك بس ابداء بالاسهل

[MahmoudOkealy]

اولا مش هينفع السوفت المصرى عليه
لان نسخة سناب دراجون مش فى مصر اصلا وملهاش سوفت مصرى
ثانيا هيجيب تحديث هوائى لان المكان ملوش علاقة بالتحديث
بمعنى ان التحديث اول ما يوصل للاصدار ده فى هونج كونج هيجيلى انا كمان
بالدليل ان التحديثات الامنية بتجيلى عادى

[RamyELGammal]

فعلآ لو في اختلاف في المعالج السوفت المصرى مش هينفع معاك نهائى
اللي انا اعرفه ان التحديث الهوائي عشان يوصلك لازم يكون اخر اختصار في رموز الدول يكون البلد اللي انت فيه
عامتآ مدام التحديثات الامنيه بتوصلك يبقي هينزلك لما ينزل اندرويد ١٢ في هونج كونج 👍

[MahmoudELSaadanY]

دي سياسة سامسونج من سنين للأسف كل تحديث ليه وقت محدد مفيش قدامك غير تصبر لحد ما التحديث ينزل رسمي لتليفونك

[MahmoudOkealy]

انا بتكلم فى نقطة محددة
يا اما موظفى خدمة العملاء مش بيفهموا علشان يقولوا التحديث مش هيوصلك علشان الجهاز شاريه من برة مصر وانت جوة مصر
يا اما الشركة عاوزة تشتغلنى وتدفعنى فلوس ع الفاضى
وفى الحالتين سواء جهلهم او بيشتغلونى دى كارثة
عمرى ما صادفنى كده مع ابل بصراحة

[MahmoudELSaadanY]

ممكن يكون قصدهم يساعدوك تنزل سوفت وير للتليفون في أقرب فرع فاكرين إنك محتاج سوفت ومش عارف تنزله وخد بالك ناس كتير في التوكيلات شغاله بدون خبرة في مجال التكنولوجيا للأسف فا بيريح دماغه في الرد ويحدفك علي أقرب فرع ليهم ..

[MahmoudOkealy]

لو المساعدة من وجهة نظرهم انهم عاوزين يدفعونى فلوس بدون وجه حق فدى مصيبة
ولو اللى شغالين فى التوكيلات ميعرفوش حاجة فدر مصيبة اكبر