حبيت اتفرج علي روم تاني واشوف اداء التليفون معاه قبل ما ينزلي تحديث ١١ علي اعتبار انه هيكون اخر تحديث ينزلي وعلي اساس تاني ان ده هيكون تالت اندرويد التليفون يشتغل عليه وفي احتمال يكون التليفون مش لذيذ كا اداء معاه ( تقيل او اعلي من امكانيات التليفون ) فا اكون جاهز او عارف انا هعمل ايه .
نزلت الروم الهندي لهاتف ايه ٥٠ بنفس باتش الامان اللي كنت عليه عشان محدش يفتكر انه تحديث والحقيقة اتفاجئت بفروق كتيره وكبيره ومش عارف ليه الحقيقه بيتم التعامل معانا كده زي ما نكون واخدين التليفونات صدقه !!!
الاول اداء التليفون مختلف تمامآ من حيث السرعه .
استقباله لشبكة المحمول اتحسن بشكل ملحوظ .
اضاءة الشاشة اختلفت ودي جايز تكون تهيئات مع اني باخد بالي كويس .
البطارية ملحقتش احكم عليها قبل ما ارجع .
طول ما انا بقلب في اعدادات التليفون بتكعبل في اضافات مش موجوده عندنا واعتقد مش بس بالنسبة لل ايه ٥٠ بل ممكن لفئة ال ايه كلها
طبعآ ده غير التطبيقات المثبته سابقآ علي النسخة ونزلت معاها واللي يزعلك انها كلها شغاله بس طبعآ سواء تليفزيون لايف او قنوات اخباريه ناطق انحليزي صحيح بس كله عن الهند فقط .
السامسونج باي للمدفعوعات بسيط جدآ بتضيف رقم تليفونك الهندي 😀 المرتبط بأي حساب ليك في البنك وتبداء المدفوعات
وعامل زي الاضاءة الجانبيه الايدج بس مكانها اسفل الشاشه .
انا واخد شوية سكرينات لاهم اللي عجبني من اضافات اتفرجوا عليها انتم واحكموا بقي علي اللي موجود في نفس تليفوناتنا .
انا مش فاهم يعني كده المفروض نغير كلنا وميفضلش حد علي الروم المصرى عشان يعدلوه او علي الاقل يساوه بالبقيين ؟؟
معلومه اخيره تسجيل المكالمات موجود وشغال عادي زينا
كنت قاصد محدثش لاخر باتش قبل التجربه دي واستنيته لما نزل الاول وبعدين جربت عشان اشوف اخبار التحديث الهوائى اللي بينزل لناس ناس ده والحقيقه نزلي عادي جدآ بمجرد ما بحثت عنه .
