اصبروا وصابروا

[ALqarni]

لكل من انتظر التحديث لهذا اليوم بكل حماس وشغف مقدر حماسكم لهذا التحديث 

ولكن تأخير التحديث من صالحي ومن صالحك فيه مشكلة او خلل خطير حسب ماصرحت فيه سامسونج كان سبب كافي لسحب التحديث وعدم صدوره لباقي الدول

فلذلك قبل لاتنزل التحديث بشكل يدوي

 اصبر وانا اعتقد انه قريب اسبوع واقل وان شاء الله بيصدر للكل اليدوي حلاته انك تكون منزله من اشهر من هو بيتا لكن الان ماعاد له سنع خلاص كلها اسبوع وبينزل ان شاء الله التحديث وهو صافي خالي من المشاكل 

[ABOSATTAM]

أرحب فعلا كلامك صحيح ماله داعي أنزل برامج وأحوس في الجهاز علشان التحديث إذا ما نفعت طريقة تغيير
CSC
خلاص أنتظر ولا تخربط بجهازك
أما موضوع التأجيل علشان مشكلة خطيرة والله وأنا أخوك ودي أصدقها من سامسونج بس قوية، هي كانت المشكلة في أجهزة
S24 & S24+
واللي يجي معالجها أكسينوس الفاشل حق الشركة، ليش يوقف عن البقية

[ABOSATTAM]

والمشكلة ترى كانت بس حرارة الجهاز وسرعة نفاذ البطارية
بس الكوري دلخ في التسويق على باله هذي حركة قوية أنه يوقف، فعلا مثل ما قال واحد من الشباب هنا سامسونج متحدره بعد موت رئيسها السابق قبل كم شهر

[ALqarni]

اذا على هذي بسيط امرها ولكن حسب تصريحهم فيه خلل امني خطير اضطرهم يوقفونه ويسحبونه من السيرفرات
اذا بيكذبون ف المضره عليهم بالاخير الناس ماتتحمل وناس تدور الزله عليهم

[orbitm]

و في صالح الشركة لأنو احتمال كبير انهم بيحسبو التحديث هذا سنة برغم انو one ui 8 بينزل بعد كم شهر، يعني 7 سنين تحديثات بتصير 6

[ABOSATTAM]

تدري أنهم اخروه بس على الشرق الأوسط للشهر الجاي

[ALqarni]

الله واعلم بالنوايا ولكن باالاخير مصيره يجي ولا اعتقد بيطول كلها اسبوع تقريبا باذن الله وهو نازل عند الكل

[adam67]

كل الكلام تسريبات واجتهادات مافي شي خبر من مصدر رسمي من شركه سامسونج

[alajmi1435]

بقى واربطوا وش دعوى غزوة هي ولا وش😂😂😂