الموضوع سهل جدآ بتاع شيل تطبيق الشرايح من علي التليفون علي اعتبار انه من الحلول المقترحه لايقاف رسائل العروض اللي بتفضل منوره الشاشه والموضوع مش محتاج روت ولا حتي محتاج لكمبيوتر .
انا لسه شايل الاتنين فودافون واورنج ومفيش اي تغيير في التليفون او ادائه .
بتحتاج تنزل التطبيق ده من جوجل بلاي
وبتحتاج تليفون تاني عليه اندرويد وصلة OTG وكابل الشحن فقط لاغير .
الطريقة بالتفصيل عشان اللي محتاج يعملها :
بتنزل البرنامج 👆 علي التليفون التاني وفي تليفونك الاصلي بتفعل من خيارات المطور ال USB debugging او تصحيح اخطاء USB وغلقها مره اخرى بعد الانتهاء .
وصل ال OTG بالتليفون التاني ركب كابل الشحن بين ال OTG وتليفونك
ببطلعلك رسالتين واحده في كل تليفون . التليفون التاني بيسأل يستخدم انهي تطبيق في الاتصال طبعآ هتختار التطبيق اللي نزلناه فوق وفي تليفونك هتظهر رساله بانك تسمح للتليفون التاني بالدخول الكامل علي تليفونك وملفاتك وطبعآ بتوافق .
من التليفون التاني اللي فتح فيه البرنامج ( ADB ) بتكتب الامر ده بالضبط بالمسافات والنقط كله كده زي ما هو :
pm uninstall -k --user 0 com.android.stk
ده بيشيل التطبيق بتاع الشريحه الاولي
pm uninstall -k --user 0 com.android.stk2
ده بيشيل التطبيق بتاع الشريحه التانيه
وبكده نبقي خلصنا من التطبيقين دول والمفروض بقي علي كده متجيش الرسايل اياها دي تاني .
مرفق سكرين شوت من تجربتي وواضح منها انها بالحالة ناجحه وسييكم من اول ثلاث او اربع سطور انا كنت بجرب اختراع تاني خليكم من اول السطر بتاع الاوامر .
حاولت اشرحها بالتفصيل علي اد ما قدرت عشان اللي عايز ينفذ
واي تطبيق نازل لينا بالعافيه وملوش استخدام تقدر تشيله بنفس الطريقه مع تغيير الاوامر فقط لا غير .
نسيت اقولكم ان التليفون اللي فيه ال OTG شحن تليفوني يعني اشتغل زي باور بنك للي تفرق معاه
انا اشتغلت من ام ٣١ ولغيت من علي ايه ٥٠
وبعدين عكست التجربه ومسحت وبرده شحنه يعني اي تليفون بيشتغل باور بنك
معلومه : التطبيقات اللي بتشيلها بالطريقه دي كل ما تفرمط بينزله تاني بالنسبة لتطبيق الشرائح اللي بنتكلم عليه ده مش متأكد هيرجعوا تاني مع الفرمطه ولا لو شيلت الشريحه ورجعتها تاني دي لسه مجربتهاش بس كل ما ينزلوا الشيل سهل يعني .
