⚠️ تحذير مهم لمستخدمي هواتف سامسونج في مصر والدول العربية ⚠️
لو بتسأل خدمة العملاء عن ميعاد تحديث (زي One UI أو Android)، خليك عارف إن المعلومة اللي بيقولوها مش دقيقة، وغالبًا بتكون مجرد تخمين أو ردود عامة مكررة.
← إزاي الموضوع ماشي فعلًا؟
سامسونج بتوزع التحديثات تدريجيًا على دفعات، حسب الدولة ورقم الموديل وحالة التوافق مع الشبكات المحلية.
والتحديثات بتوصل من خلال السيرفرات الخاصة بكل منطقة (CSC code)، ودي حاجة خدمة العملاء مابيشوفوهاش ومش بيتدخلوا فيها.
🚫 يعني إيه؟
يعني موظف خدمة العملاء ممكن يقولك "التحديث نازل خلال أيام"أو "خلال الشهر الجاري أو القادم"، بس في الحقيقة:
ممكن ميكونش جهازك على دفعة المرحلة دي.
أو التحديث تأجل بسبب مشاكل ظهرت على موديلات تانية.
أو فيه اختبار لنسخة مختلفة من النظام لبلدك ولسه ماخدتش الموافقة.
🔍 طب أعرف إزاي التحديث نزل ولا لأ؟
تابع إشعارات تطبيق Samsung Members، هو أول مصدر رسمي من الشركة.
استخدم مواقع موثوقة زي SamMobile أو rprna.com، بتوضح يوميًا كل موديل وصله إيه.
تأكد من كود CSC بتاع جهازك، لإنه هو اللي بيحدد منين التحديث بيجيلك.
📌 نصيحة أخيرة:
ما تعتمدش على كلام خدمة العملاء في موضوع التحديثات، لإن ببساطة هما مش مطلعين على الجداول الفعلية للتوزيع، ولا عندهم صلاحية يشوفوا حالة جهازك على السيرفر(ده هم بس بيعرفون اسم الموبايل فقط).
