شاحن ٢٥ وات

[Elnoury]

هو او الشاحن ٢٥ وات بيخلي الموبايل يهنج ف اللمس هل ده طبيعي ؟

والشاحن ده اصلي وله لا

[RamyELGammal]

خلي بالك من حاجتين
تاريخ التصنيع غير متوافق بين العلبة والشاحن
كذالك قدرة خارجي الشاحن
ودي علامات انه مضروب مش أصلي

وواضح انه عامل مشكلة مع دايرة شحن الهاتف عشان كده التتش بيعلق معاك

لا تستخدمه افضل

[الأزهرى]

أبسط طريقة لمعرفة الشاحن الأصلى من الكوبى هى اختبار المغناطيس قرب إصبعى الشاحن إلى المغناطيس فإن حدث تجاذب فهو كوبى أما إذا حدث تنافر فهو أصلى لأن الشاحن الأصلى يتم صنع إصبعى الشاحن من مادة التيتانيوم التى لاتتفاعل مع التيار الكهربى عند وضعها داخل المقبس الكهربى فلاتنتج أى صدمة كهربية تتسبب فى تآكل إصبعى الهاتف وبالتالى لاتتأثر مكونات الدائرة الكهربية للشاحن .

[ArwaNasreddin]

أنا بستخدم ال ٢٥ وات عادي مش بيحصل تهنيج ولا حاجة... ممكن من السيريال نمبر اللي على العلبة تتأكد إن الشاحن من منتجات سامسونج ولا لأ.

[Elnoury]

اذاي ؟

[ArwaNasreddin]

https://www.samsung.com/us/support/warranty/
جرب كده، أنا مش عارفة الشواحن عليها ضمان ولا لأ.

[ArwaNasreddin]

اختار check my remaining coverage

[ArwaNasreddin]

أنا دلوقتي جربتها ولم تنفع على الشاحن، يمكن علشان اكسسوار.

[DarkGray]

غير وصلة الشحن ، هي مش اصليه بايه في الصوره

[SamsungModerator4]

مساء الخير يا فندم مع اية من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بناءا على سؤالك

بستأذن حضرتك بخصوص مشكلة ان الجهاز بيوقف او تقيل مع حضرتك يرجى اتباع الخطوات الاتيه

- نتأكد من اخر تطيق تم تنزيلة او مسحه
- نقفل كل التطيقات المفتوحة على الشاشة
- لو الجهاز واقف ممكن نضغط على خفض الصوت والباور
لأعادة تشغيل الجهاز مره اخرى
-لو كل الخطوات محلتش المشكلة ممكن نعمل أعادة ضبط مصنع للجهاز

عادة ما يحدث مشكلة في الجهاز و  يتوقف الجهاز بعض اللحظات فمن الممكن ان تكون هذه المشكلة لحظية و من الممكن حل الشمكة عن طريق الضغط على زر خفض الصوت و الباور لمده 7 ثواني هيتم أعادة تشغيل الجهاز مره اخري و هيتم حل المشكلة Force restart (Power key + Volume down for 7 sec)
في حالة عدم تشغيل الجهاز يجب  ان يفعل خاصية safe mode و هي خاصية يتم تفعيلها في حالة عدم تشغيل الجهاز و هي عن طريق الضغط على زر خفض الصوت ضغطه مطوله اثناء تشغيل الجهاز
Safe mode (Hold volume down during power on)
و من الممكن ان تكون المشكلة من الشاشة او يوجد تأخير في استجابة الشاشة فيجب بعمل اختبار للتاتش عن طريق كود *#0*#

 فى حالة ان المشكلة مستمرة يرجى اعادة ضبط المصنع للجهاز.
الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch
http://www.samsung.com/eg/support/smartswitch/

 ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك