جالكسي واتش الترا

[ZOOD]

يا جماعة الساعة اللي عنده خبرة مع الساعة يعطينا تجربته هل تستاهل؟ وكم تقعد البطاريه؟

[adam67]

اي والله حتى انا مثلك حابب اعرف عنها اكثر

[AbdulShihab]

السلام عليكم ورحمة الله
انا عن تجربة لساعة سامسونج واتش 6 كلاسيك
الساعة فخمه والاستخدام بسيط وفيها كثير من الامور المفيد هذه من ناحيه الصحة وطلب النجده في حالةالسقوط او توقف النبض لا قدر الله والساعه قويه في مواد التصنيع ما عدا القرص الدوار تلقا العديد من الخدوش و سامسونج باي لا تعمل عليه في المملكة و الشحن لا يدوم اكثر من يوم واحد

[marwanvic]

عندي 6 البطاريه سيئ جدا كل يوم ونص تشحنها . او تسوي موفر الطاقه وتشحنها كل 3 ايام . الصراحه تنفع للي يسوي رياضه تحسب الخطوات والسعرات الحراريه . اما الي ما يسوي رياضه ما تنفع له

[DavyJones100]

ثلاث ايام قليل

اعرف ساعه تشتغل بدون شحن ولا بطاريه
تشتغل على دقات القلب بس ما تحسب كم دقه ولا تحسب كم خطوه

سيكو نوعها فيها ميزات كثيره
جميله وتقولك كم الوقت سعرها رخيص يمكن ميه ريال

[marwanvic]

ساعات هواوي تشتغل من 10 الى 14 يوم للشحنه الوحده يعني ب الشهر تشحنها مرتين او ثلاث . سامسونج وابل تشحنها بالشهر 25 - 30 مره 🤣

[DavyJones100]

الالترا والسفن
والكلاسيك سته

نفس النظام والمميزات الفرق شكل

الاهم مافيها شريحه نسخ السعوديه
انا جبت من الامارات نسخه شريحه

البطاريه من ١٢ ساعه الى يوم حسب استخدامك

الصحه شغال عندنا فقط قياس نبض القلب والاكسجين

التخطيط الكهربائي غير مرخص له من وزاره الصحه
حساب وقت النوم وتقديم نصائح للاسترخاء

حساب كتله الجسم والوزن المثالي

حساب عدد الخطوات يوميا مع عدد السعرات المحروقه والوقت المقطوع والمسافه

برامج محادثه مثل الاس ام اس والواتس اب بالاضافه للموسيقى

نظام الدفع شغال بطريقه ملتويه على
بطاقات البنوك المدعومه فقط
على امل دعمه رسميا بالسعوديه

اما بالنسبه للدفع عن طريق جوجل باي فهو قادم بانتظار التفعيل فقط

عني اشوف الالترا ضخمه جدا
السفن ما حبيتها
الكلاسيك انيقه اكثر وحجمها مقبول

[ZOOD]

مشكور جدا على هالشرح الوافي🤍