تركيب سوفتوير يدوي تفصيلا

[〆AL-Mutairi〆]

يسعد مساكم جميعا🌹

سبق وتم شرح الموضوع تفصيلا ولكن كان شوي ملخبط على المبتدئ 

واليوم راح نشرحه مره ثانيه بشكل أسهل للمتلقي👍

ايش الفايده من استخدامه ومتى يستخدم؟!

بالنسبه للاستخدام ماله شي معين ترجع للشخص نفسه ولكن فيه حالات تطلب إلى استخدامه 👍

1- اذا انعطب النظام وحاب تسترجع النظام بدون خسارة البيانات

2- اذا واجهة أخطاء بعد تحديث وحاولت بجميع الحلول وراح اتكلم فيها بعد لحضات

3- عند تغيير السوفتوير الموجه إلى أي دوله لأول مره وتتلقى بعدها التحديثات الهوائيه بشكل طبيعي وكذلك اذا بغيت ترجع للنسخه السعوديه 👍

4- للي يحب يتلافى الأخطاء قبل وقوعها ونسبة الأخطاء ضعيفه بحكم التجربه

5- اللي يحب ينزل السوفتوير في أول نزوله اسرع من التحديث الهوائي ويجي بكود acr موجه لأكثر من دوله ومن ضمنها السعوديه قبل بثها هوائي من قبل سامسونج السعوديه ع كود ksa ومافي فرق بينهم للمعلوميه

بعد ماعرفنا استخداماته نجي لرقم 2 ولها مسألتين للاخطاء 

الحل الأول للاخطاء اذا ماكان الخطأ عند الكل 

من الريكفري ثم تحسين التطبيقات وهذا ممكن يكون حل لمشكلتك 👍

الحل الثاني وهو المهم واضمن لك حل المشكله بنسبه عاليه 

وهو تجديد السوفتوير كامل بدون المساس بالبيانات 

ونجي نشرح بالصور عشان تاصل المعلومه 

ندخل لموقع سام موبايل 

ثم استعراض السوفت وير 

نحط موديل الجهاز ونلقاه من الضبط ثم حول الهاتف وننسخ رقم الطراز👍

بعد مانحط الطراز راح تجيك قائمه للسوفت وير حدد البلد اللي تبيه 

بعد الدخول لآخر سوفتوير نزل نضغط ع تنزيل بيجيك هد تنازلي وحمله👍

بعد التحميل بيكون على ملف بصيغة rar نفك الضغط بيكون عندك 5 ملفات 

BL

AP

CP

CSC 

CSC_home 

كل الملفات مطلوبه ولكن الملونه لازم تختار واحد منها 

الأحمر هذا يعني جدد ملفات النظام وفرمت الجهاز 

الأزرق يعني جدد ملفات النظام لكن لاتفرمت لي الجهاز انتبه 😂

دامنا عرفنا هالنقاط المذكوره فوق نجي للتركيب 

اول شي حمل تعاريف سامسونج 👍

http://www.mediafire.com/file/8okkx9k86nvjxvl/Samsung-USB-Driver-v1.7.23.0.zip/file

بعد تثبيت البرنامج ننزل الاودين 

https://www.mediafire.com/file/h4thlkv13d8p1o0/Odin3-v3.14.4.zip/file

نطفي الجهاز بعد تثبيت الاودين ونوصله بالجهاز وهو طافي نعلق ع رفع الصوت وخفض الصوت معا بتطلع صفحة خضرا فيها كلام اضغط رفع الصوت بيجيك الداونلود مود بعده فتح الاودين😁

راح تلاحظ في الاودين يجي لون ازرق فوق ع اليسار يعني امورك سليم 

عندك اربع خيار ركب الملفات ع نفس الاختصارات 

AP مع ملف AP

BL مع ملف BL

CP مع ملف CP

CSC مع ملف( CSC_home بدون فورمات ). 

ثم start خله لين يعطيك pass ومبروك عليك تجديد النظام بدون فورمات 👍

وهنا فيديو توضيحي افضل فيديو شفته يشرح الطريقه بشكل موضح 

https://youtu.be/uxKvpsFHuLM

اما اللي مركب روت وحاب يحدث او يجدد نظامه بدون فقدان الروت 

https://youtu.be/CFGfhlxmKxc

اذا وصلت لآخر المنشور قبله ع جبينك ياحلو😁✅

كذلك موقع اخر لتنزيل السوفتوير بدون تسجيل بأول رد ✌️

المطيري،،،! 

[سعودš]

كفووو قسم بالله 😂🧡 ونا اقول ليه كل ماحدث الجوال من الاودين يتفرمة

[AHMED225]

أحسنت
ومشكور 🌹🌹🌹

[M4trix]

شرح منتاز الله لايهينك يالمطيري

[S20_Plus_5G]

يعطيك العافيه 🌹

[Tamer260]

👍

[Q99 · Accepted solution]

يعطيك العافيه
انا افضل التحميل من موقع https://samfw.com/
لان التحميل مجاني ويعطيني سرعه غير محدوده حتى عن طريق قوقل درايف
بعكس سام موبايل

[Rayan90]

بيض الله وجهك ورحم الله والديك يالمطيري 👍👏

[moad3]

طسب لو اسويها للنوت ١٠ ٥جي تركب لاني حاولت اركب روم تبع دوله ثانيه ماضبطت

[Cydia]

ايش فائدة تعاريف سامسونج؟