للامانه افكر من زمان مشاركتكم الموضوع اللي ممكن تكسب منه مبالغ تفيدك مستقبلا 👍
منها مجاني وتسمى بالتسويق بالعموله ومنها استثماريه اذا كان معك مبلغ وقدره وراح اتكلم فيها بآخر المنشور عموما
لكن قبل لا ابدا اللي عنده معلومه في هذا المجال يتفضل يشرح برده وكيفية استخدام الموقع وهكذا وراح اعطي حلول للمشاركات الايجابيه حتى يكون مرجع للجميع 👍
ولا تنسوني من دعاكم بالشفاء العاجل 🌹
بسم الله ونبدأ
حاليا كلنا نعرف ان الانترنت بإمكانك تحويله لمصدر دخل والطرق كثيره منها يوتيوب ويكون عندك محتوى جيد ومنها تيك توك وسناب الخ 👍
ولكن راح اتكلم عن شي ثاني ممكن تحقق منه مدخول جيد
مثل علي إكسبريس
تسجل في موقع التسويق بالعموله بعد 5 إيام تقريبا يجيك قبول وبعده تقدر تدخل على متجر علي إكسبريس وتختار اي منتج راح تلاحظ فوق العمله لهذا المنتج 7 بالميه او 10 بالميه الخ ويهمك طبعا مدة الرابط والأفضل من 30 يوم 👍
كل اللي عليك تسويه تنسخ الرابط مع الصوره وتحصله فوق جنب العموله وتنشره في التواصل الاجتماعي كذلك افضل اسلوب بالنشر يكون ذكر مواصفات المنتج كامل مع تقييمه ومعدل الشراء 👍
ولنفرض منتج العموله 10 بالميه لكل زبون ومبلغ المنتج مثلا 100 دولار 💵 هذا يعني أنك ع كل عميل تحصل 10 دولار ولو 10 أشخاص شروا عن طريقك معاناتك طلعت 100 دولار كعموله والحسابه بتحسب 👍
الطريقه الثانيه موقع
عربي لينك
فكرته مواقع تقوم بنشرها مثل الفكره فوق مثلا متجر معين يقولك العموله 7 بالميه ع كل شخص يشري وميزته تنشر الموقع كامل يعني ممكن يشري احد عن طريقك بقيمة 1000 ريال أو 500 الخ وكل عمليه عليها 7 بالميه عموله وهكذا 👍
نجي للاهم وهو الاستثمار ومافيه افضل من الاستثمار في الاسهم او سوق العملات الخ ✌️
لو كنت تملك مبلغ معين عندك تويتر مليان محللين بإمكانك سؤال اي محلل عن سهم بالسوق السعودي أو امريكي او عمله معينه حسب رغبتك وراح يعطيك سهم استثماري حط فلوسك فيها وانساها ولكن حاول يحدد لك هدف استثماري قصير المدى او طويل المدى وبإمكانك تحديد مبلغ لو قليل من راتبك وحطه في الاستثمار للمستقبل لاتفكر سنه او سنتين خل فكرك مابعد العشر سنوات 👍
طبعا الأفكار كثيره خصوصا المتاجره بالعموله او عن طريق سلتي برضه يعطونك متجر وتربطه في علي إكسبريس وغيره كثير
اللي عنده فكره يطرحها تحت لاخوانكم في الله ربما شخص يفتح الله عليه والسبب يكون انت
