Samsung pay

[aliko1]

السلام عليكم 

جفت حلوقنا وحنا نطالب بخدمة الدفع من سامسونج ولا حياة لمن تنادي ، لا اعلم هل هي حركة متعمدة للتطفيش عشان نحول من اجهزتهم الى اجهزة اخرى ؟ وهل الشركة الام على دراية بهالموضوع ؟ مع العلم انا مستخدم للجالكسي من النوت ٢ الى النوت ١٠ 

ومع العلم ان العالم الموازي عندهم خدمة الدفع من سنين ومع العلم ان مالهم فرع رسمي في السعودية ، عكس سامسونج اللي لها فروع رسمية وصيانة من سنين في السعودية ، فيجب التوضيح من طرف سامسونج السعودية على هذا العبث الحاصل وعدم الاكتراث بمصلحة العملاء وتهميش ارائهم في حق من حقوقهم مثل خدمة الدفع وغيرها الكثير مم الميزات الغير مفعلة في ساعة سامسونج 

والسلام عليكم .

[S21galaxy]

لا حياة لمن تنادي ... لنا سنين نطالب عبر منصاة سامسونق الرسمية ولا فيه غير الوعود والمماطلات 😔 ياليت يكون هذا الموضوع منبر لمطالباتنا لشركة سامسونق بخدمة Samsung pay#
داخل المملكة العربية السعودية

[aliko1]

نسيت اذكر نقطة ان الفرع الاقليمي تم نقله من الاردن الى السعودية ، ولا زلنا الى هذه اللحظه نشتري اجهزتهم مقصوصه نص ميزاتها ، يعني بالعربي الفصيح يا اخي انت تدفع قيمة جهاز كامل وما تقدر تتمتع بكل ميزاته ، ليش تبيعه عندي اجل ؟

[〆almutairi〆]

الموضوع في مفاوضات جديه
بإذن الله نشوفه عما قريب

[S21galaxy]

مفاوضات ع برنامج من مصلحتهم ينزلوه ع اجهزة واصدارات سامسونق بشكل رسمي !؟ لاحظ اخي العزيز الخدمة فعاله في مختلف المناطق الا عندنا .. الموضع فيه عنصريه مقيته .

[〆almutairi〆]

اخي الغالي مملكتنا مرحبه فيهم ولكن هم ماكملوا الشروط المستوفيه وتم الاجتماع معهم مسبقا وكان اول طرح هو سامسونج باي وعطونا وعد في تنفيذه وفيه مفاوضات جاده في تفعيلها علينا الانتظار فقط وراح اتابع عن الموضوع اي جديد يعطيكم خبر 💙

[〆almutairi〆]

أضف إلى ذلك مشكلة سام تعطي وعود ثم تنسحب تفتح مفاوضات ثم تسحب ماتكمل الإجراءات!!!

وهذي مشكله فيها للأسف لا مبالاه

[aliko1]

فعلا اخوي وما اخطيت في في كلمة من كلامك ، والدليل ان العالم الموازي صنع من شركة صغيره مثل حاسبات العرب الى وكيل لشركة كبيره وقدر يوصل خدماته كامله. عكس شركة مثل سامسونج اللي لها فروع سمية في بلدنا ولكن للاسف نص خدماتها متوقفه ، ولكن هذا يثبت قوة بلد عن بلد ، ان شاء الله تتفعل قريب ، خصوصا بعد المطالبات الكبيره اللي تحصل الفتره الاخيره ، وما اظن احد يقدر يتجاهلها في النهاية انت تدفع بفلوسك ما تبي شي بلاش ، ومرورك شرف الموضوع اخوي

[〆almutairi〆]

ما أزيد ع كلام سعودي لخص الموضوع كامل 🌹
واستغرب من اللي يدافع عن سامسونج ويقول السبب من السعوديه رافضه!!! ممكن نعرف من وين جاب هالكلام ويثبت!!

خلاصة الموضوع المملكه لها شروط اذا استوفيتها اهلا بك
وننتظر سام تتحرك فقط إذا عندها جديه 👍

اما الخطأ اذا ترمي عدم مبالاة سام في الموضوع اساسا وتحط اللوم كله ع السعوديه!!!

واتمنى وصلت المعلومه للي كانوا يقولون المشكله من عندنا في السعوديه 👍

[aliko1]

فعلا اخوي المطيري كلامك صحيح والاخبار كثير واغلبها تقول ان التقصير من نفس سامسونج ولكن هل فعلا الكوريين لا يرونا سوق ممكن يأثر عليهم ؟؟؟؟ وخذا لو حصل فعلا كارثه بحقهم وراح تضر شركتهم ، ولكن ننتظر ونشوف اخبار اكثر ونتقصى الامور ، واشكر لك مرورك ووجود اسمك يكفي ، قامة كبيره ولك اثر في جميع المنتدى وفائدتك لا تعد ، وعمت الجميع ❤