انا كمان عامل كل التحديثات للموبايل والساعه ، والموبيل ظابط تمام جدا والساعه لا وعملت ريسيت للساعه كمان ومفيش فايدة برده بتظبط بمزاجها ، وبتفضل مظبوطة تمام لحد ما يحصل فصل للبلوتوث مع التليفون لأي ظرف ولما تقترن بالتليفون تاني بتخرب ولا حظت كمان أنها ممكن تكون مظبوطة ولو غيرت ال Watchface بتخرب برده وممكن ترجع لوحدها او لأ ماشيه علي مزاجها
صباح الخير يا فندم مع اميرة من سامسونج مصر بنشكرك جدا على طرح سؤالك وبنتمنى لحضرتك يوم سعيد بناءا على سؤالك
لتعديل التوقيت الصيفي هنتبع الخطوات التاليه يا فندم: يجب التأكد ان الجهاز متحدث علي اخر نسخه سوفت وير متاحه. اولا: التأكد من تحديث نظام Google play عن طريق الخطوات التاليه: 1. اختار الضبط 2. اختار حول الهاتف 3. اختار معلومات البرنامج 4. اختار تحديث نظام Google play 5. قم بتنزيل التحديث ان وجد ولتعديل الوقت من التلقائي لليدوي تتبع الخطوات التالية: 1. اختار الضبط 2. اختار الإدارة العامة 3. اختار التاريخ والوقت 4. قم بالغاء تفعيل التاريخ والوقت التلقائي 5. قم بضبط الوقت الذي تريده يدويا. و اللينك ده هيوضح لحضرتك الخطوات https://www.samsung.com/eg/support/newsalert/ في حالة مواجهة حضرتك مشكلة في توقيت الساعة في سمارت واتش نستاذنك بالتاكد من خلال بعض الخطوات لتعديل التوقيت الصيفي هنتبع الخطوات التاليه يا فندم: الاعدادات – الادارة العامة – التاريخ و الوقت - اختر المجال الزمني - GMT+3:00 عمل ريسيت للساعه نقوم بعمل disconnect ثم connect برجاء عمل ريستارت للساعة والانتظار 30 دقيقة و المشكلة هتتحل مع حضرتك وفي حالة استمرار المشكلة برجاء انتظار اصدار تحديث لحل المشكلة في اسرع وقت
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
للاسف كل الكلام ده ولا ليه اي لزمه ونفس المشكلة مستمرة داخلين في شهر وكل شوية الساعة بتوقيت .. يعني وظيفة الساعة الوقت وانتوا مش عارفين تظبطوا توقيت الساعة بابديت . عيب علي اسم سامسونج حتي لما الكلام ده يتقال علي أنه حل اصلا
بالنسبه للموبايل فهو شغل تمام بعد التحديث من وقت التعديل .. اما الساعه عملت معاها كل المحاولات ومش عايزه تتعدل نهائي حتي اني لغيت ربط التوقيت مابين الموبيل والساعه وعملت التوقيت يدوي .. الساعه غيرت نفسها لوحدها حقيقي مينفعش جده خالص .. الساعه مش رخيصه ولا ساعه ملهاش نوع .. دي سامسونج يا عالم .. ولا انتم في الشركه مش عارفين قيمتها .. ارجو حل سريع وواقعي وصحيح مش مجرد كلام مسجل.. الساعه مش شغاااااله
