Samsung Galaxy a70

[maahamad]

اواجه ارتفاع ملحوظ في درجه حرارة الهاتف اثناء التصفح علي الفيس بوك وعند انخفاض قيمة البطارية بداية من ٢٨% علما بانه لايوجد عليه اي العاب واي برامج غير الموجوده معامه ويوجد مساحه كبيره فارغة حوالي١٠٠جيجا

ما السبب

[shadielgohary]

وانا كمان عندى ارتفاع ملحوظ فى درجه حراره الهاتف .. نص الهاتف الى فوق .. النص الى فوق بس

[maahamad]

اه نفس اللي عندي ومن غير مبرر او لعب العاب علي الهاتف

[samsung_A54]

انت حدثت اندرويد ١٠ الشهر اللي فات

[maahamad]

اه حدثته اول لما نزل

[samsung_A54]

نفس المشكله اللي عندي وكلمت خدمة العملاء قالولي مفيش تحديث دلوقت يصلح المشكله دي

[smow22]

لازم تروحوا التوكيل تتاكدوا علي صحة الجهاز
مدام مافيش اي حاجة تسخنه

[Amira-elnagar]

مساء  الخير يا فندم مع حضرتك اميره من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك

[maahamad]

اشكر حضرتك
السخونة الذي حدثت كانت شئ عارض ولم تتكر