حاب أنقل لكم تجربتي مع تاب s9 fe بعد استخدام شبه مكثف أكثر من أسبوع بما إني ما لقيت عرب مراجعين الجهاز ومعطينه حقه.
اشتريته من أمازون ب 1660 ريال
الجهاز شيء جبار زي ما تعودنا من سامسونق دايم نسخ الfe بسعر الأجهزة المتوسطة وتعطيك مواصفات فلاق شيب، استخدمه في الدراسة والمشاهدة والألعاب وكلها ما لاحظت فيه أي مشاكل كان بالبداية يحتر بعد بس من ثاني يوم راحت الحرارة وتردد الشاشة 90hz شي جدًا مُرضي وما لاحظت فرق كبير بينه وبين120hz في الs23 ultra واستجابة القلم فيه تقريبًا التأخير فيها شبه معدوم إذا استخدمت سامسونق نوت أو برنامج يدعم أجهزة سامسونق بشكل عام الجهاز جدًا ممتاز ولكن بما إنه بهذا السعر المنخفض أكيد فيه عيوب الي بالنسبة لي ما تهمني لكن بأذكرها لكم أول شيء هي الشاشة LCD ولاحظت الفرق يوم قارنته بجوالي S23 ULTRA الفرق كان شاسع بالمقارنة لكن وقت المشاهدة ما يفرق كثير والشيء الثاني سماعات الستيريو فيه عددها اثنين وحدة يمين ووحدة يسار توزيع الصوت فيها ممتاز لكن اذا كان الجهاز في الوضع العمودي بتسمع الصوت من جهة وحدة وآخر مشكلة ومانتبهت لها إلا يوم جيت أشتري كفر إن ما فيه فلاش.
هذا تقييم مبدئي للجهاز أعطيه ٨.٥/١٠ جهاز جدًا جبار كقيمة مقابل سعر.
